ଡୁଙ୍ଗୁରିପାଲି, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଗଜବନ୍ଧ କ୍ଲଷ୍ଟର ସ୍ଥିତ ବାବାଜୀ ସାହୁ ଉଚ୍ଚ ମାଧ୍ୟମିକ ବିଦ୍ୟାଳୟ ଗଜବନ୍ଧରେ ବାର୍ଷିକ କ୍ରୀଡା ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ପ୍ରଦୀପ କୁମାର ହୋତା କ୍ରୀଡା ପତାକା ଉତ୍ତୋଳନ ପୂର୍ବକ ଉଦ୍ଘାଟନ କରିଥିଲେ । ଦୌଡ଼, ଉଚ୍ଚ ଡିଆଁ, ଲମ୍ବଡିଆଁ, ଗୋଲା ଫିଙ୍ଗା, ଡିସ୍କସ ଥ୍ରୋ, ଜାଭେଲିନ ଥ୍ରୋ, ସ୍ଲୋ ସାଇକେଲ ପରି ପ୍ରତିଯୋଗିତା ବାଳକ ଓ ବାଳିକା ଉଭୟ ବର୍ଗରେ ଅନୁଷ୍ଠିତ ହୋଇଥିଲା । ବାଳକ ବିଭାଗରେ ଶ୍ରୀତମ ପୋଢ ବାଳିକା ବିଭାଗରେ ପ୍ରିତୀ ଖମାରୀ ଚମ୍ପିୟାନ ହୋଇଥିଲେ । ଅଧ୍ୟାପକ ତେଜେଶ୍ୱର ଦାସ, ଦିଲୀପ କୁମାର ଭୋଇ, ସୀତାରାମ ପଟେଲ, ବୀଣାପାଣି ବିଶ୍ୱାଳ, ଲୋକେଶ୍ୱର ବିଶି ଯୋଗଦେଇ ପୁରସ୍କାର ଓ ପ୍ରମାଣପତ୍ର ପ୍ରଦାନ କରିଥିଲେ । ଅଧ୍ୟାପକ ଗଙ୍ଗାଧର ପଧାନ, ବନ୍ଦୋବସ୍ତ ସାହୁ, ଗୋପାଳ ସାହୁ, ମଧୁସୂଦନ ଭୋଇ ଖେଳ ଗୁଡିକୁ ପରିଚାଳନା କରିଥିଲେ । ରାଜକିଶୋର ନାଗ, ସୁବାସଚନ୍ଦ୍ର ନାଗ, ଲକ୍ଷ୍ମୀନ୍ଦ୍ର ଭୋଇ, ବଣ୍ଟି ବିଶ୍ୱାଳ, ଗୌରାଙ୍ଗଚରଣ ସାହୁ ସହଯୋଗ କରିଥିଲେ । ପ୍ରାୟ ୨୦୦ ଜଣ ଛାତ୍ରଛାତ୍ରୀ ଭାଗ ନେଇଥିଲେ । ଗଜବନ୍ଧ ସିଆରସିସି ନରେନ୍ଦ୍ର ପୁରୋହିତ ଓ ଅଂଚଳର ଜନସାଧାରଣ ଏହି କାର୍ଯ୍ୟକ୍ରମକୁ ପ୍ରଶଂସା କରିଛନ୍ତି ।