ବଲାଙ୍ଗିର, (କେପିଏନ୍ଏସ୍) : ମାଘ ମାସ ଶୁକ୍ଲପକ୍ଷ ପଞ୍ଚମୀ ତିଥି ବୁଧବାର ଦିନ ଚୁଡାପାଲି ସରସ୍ୱତୀ ଶିଶୁ ବିଦ୍ୟାମନ୍ଦିର ଠାରେ ସରସ୍ୱତୀ ପୂଜା ଓ ଶିଶୁବାଟିକା ବିଭାଗର ବିଦ୍ୟାରମ୍ଭ ସଂସ୍କାର ପାଳନ ହୋଇଯାଇଛି । ଉକ୍ତ ଉତ୍ସବରେ ବିଦ୍ୟାଳୟର ସମ୍ପାଦକ ସୂର୍ଯ୍ୟମଣୀ ମେହେର, କୋଷାଧ୍ୟକ୍ଷ ଲମ୍ବୋଦର ପଟେଲ, ପୂର୍ବତନ ସଭାପତି ଲୋକନାଥ କୁମୁରା, ପୂର୍ବତନ ସମ୍ପାଦକ ରାଜକୁମାର ପଧାନ, ବିଦ୍ୟାଳୟର ଅଭିଭାବକ ବୈସମ୍ପାୟନ ଥନାପତି ଉପସ୍ଥିତ ଥିଲେ । ପୂଜକ ଭାବେ ବ୍ୟାସଦେବ ମିଶ୍ର ପୂଜା ସମ୍ପାଦନା କରିଥିଲେ । ହୋମଯଜ୍ଞରେ ବିଦ୍ୟାଳୟର ପ୍ରଧାନ ଗୁରୁଜୀ ଶମ୍ଭୁପ୍ରସାଦ ମହାକୁର ଯଜ୍ଞକର୍ତ୍ତା କାର୍ଯ୍ୟ ତୁଳାଇ ଥିଲେ । ଏହି ଦିନ ବିଦ୍ୟାରମ୍ଭ ସଂସ୍କାର ଥିବା ଯୋଗୁଁ ଅଭିଭାବକମାନଙ୍କ ଦ୍ୱାରା ଶିଶୁମାନଙ୍କର ବିଦ୍ୟାରମ୍ଭ ସଂସ୍କାର ପାଳନ କରାଯାଇଥିଲା । ବିଦ୍ୟାଳୟ ନିକଟସ୍ଥ ଅଭିଭାବକ ଚିନ୍ତାମଣୀ ମେହେରଙ୍କ ଘରୁ ଗ୍ରନ୍ଥଗୁଡ଼ିକର ଶୋଭାଯାତ୍ରା ହୋଇଥିଲା । ବିଦ୍ୟାଳୟର ପ୍ରଧାନ ଗୁରୁଜୀ ଶମ୍ଭୁପ୍ରସାଦ ମହାକୁର ଆସିଥିବା ଅଭିଭାବିକାମାନଙ୍କୁ ତିଳକ ଓ ପୁଷ୍ପଦେଇ ସ୍ୱାଗତ କରିଥିଲେ । ଏହି କାର୍ଯ୍ୟକ୍ରମ ଶିଶୁବଟିକା ପ୍ରମୁଖ ସୁଶ୍ରୀ ରୀନାରାଣୀ ଜେନା ତୁଲାଇଥିଲେ । ବିଦ୍ୟାଳୟର ସମସ୍ତ ଗୁରୁଜୀ, ଗୁରୁମା ଓ ସେବିକାମାନଙ୍କ ଦ୍ୱାରା ଏହି କାର୍ଯ୍ୟ ସଫଳ ହୋଇଥିଲା । ବିଦ୍ୟାଳୟର ଶିଶୁ ଭାଇ ଭଉଣୀମାନେ ମଧ୍ୟ ଏଥିରେ ଅଂଶଗ୍ରହଣ କରିଥିଲେ ।