ବଲାଙ୍ଗିର, (କେପିଏନ୍ଏସ୍) : ଆଜି ସ୍ଥାନୀୟ ଲିଟରରି ଏଣ୍ଡ ସୋସିଆଲ କ୍ଲବ ସଭାକକ୍ଷରେ କଥାଶିଳ୍ପୀ ଡାକ୍ତର ମଞ୍ଜୁବାଳା ପଣ୍ଡାଙ୍କ ଗଳ୍ପ ସଂକଳନ ‘ପାରନାନୀ ଓ ଅନ୍ୟାନ୍ୟ ଗଳ୍ପ’ ଉନ୍ମୋଚିତ ହୋଇଯାଇଛି । ନାଟ୍ୟଭୂଷଣ ଜଗଦାନନ୍ଦ ଛୁରିଆଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ବିଶିଷ୍ଟ କବି ଭାଗିରଥି ମିଶ୍ର, ସମ୍ମାନିତ ଅତିଥି ଭାବରେ ଗାଳ୍ପିକା ଅମୁଲ୍ୟମଣି ମିଶ୍ର ଯୋଗଦେଇ ସଂପ୍ରତି ଗଳ୍ପ ରଚନାରେ ପରିବର୍ତ୍ତନ ଓ ଏହାର ପ୍ରଭାବ ଉପରେ ଆଲୋଚନା କରିଥିଲେ । ସଭା ପରିଚାଳନା କରିଥିଲେ ପୂଜ୍ୟ ପୂଜା ଅନୁଷ୍ଠାନର ସମ୍ପାଦକ ମଦନ ମୋହନ ରଥ । ଅତିଥି ମାନଙ୍କୁ ମଞ୍ଚକୁ ନିମନ୍ତ୍ରଣ କରିଥିଲେ କସ୍ତୁରୀ ରଥ । ବେଦପାଠ କରିଥିଲେ ପଣ୍ଡିତ ବ୍ରଜବିହାରୀ ତ୍ରିପାଠୀ ।
ଅତିଥି ପରିଚୟ ଓ ଗଳ୍ପ ସଂକଳନର ସମୀକ୍ଷା କରିଥିଲେ ଯୁବକବି ରତ୍ନମୟ ତ୍ରିପାଠୀ । ଶେଷରେ ସମସ୍ତଙ୍କୁ ଧନ୍ୟବାଦ ଦେଇ ଥିଲେ କବିତା ମିଶ୍ର । କାର୍ୟ୍ୟକ୍ରମକୁ ସଫଳ କରିବାରେ ଚୂଡେଦ୍ର କୁମାର ବେହେରା, ସୁନାଧର ବନଛୋର, ପ୍ରଦୀପ ପଶାୟତ, ଦୁର୍ଗାଚରଣ ସାହୁ, ଅନୁପ୍ରିୟା ମିଶ୍ର, ଜ୍ୟୋତିରଞ୍ଜନ ମିଶ୍ର, ହୃଷିକେଶ ପୁରୋହିତ ପ୍ରମୁଖ ସହଯୋଗ କରିଥିଲେ । ଏହି ସଭାରେ ସହରର ଅନେକ ବୁଦ୍ଧିଜୀବୀ, ସାହିତ୍ୟ ପ୍ରେମୀ, ସାମ୍ବାଦିକ ଯୋଗ ଦେଇଥିଲେ ।