ପଦ୍ମପୁର, (ନିରୋଜ କୁମାର ପାଣୀ) : ଆଜି ପୂର୍ବାହ୍ନ ୧୧ଟା ସମୟରେ ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ମାଣ୍ଡୋସିଲ ଧାନ ମଣ୍ଡିରେ ମୋଟର ଚାଳକ ସଂଘ ତରଫରୁ ନୂଆଁଖାଇ ଭେଟ୍ଘାଟ୍ ଅନୁଷ୍ଠିତ ହୋଇଯାଇଛି । ମାଣ୍ଡୋସିଲ ମୋଟର ଚାଳକ ସଂଘର ସଭାପତି ରବି ସାହଙ୍କ ସଭାପତିତ୍ୱ କରିଥିବା ବେଳେ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପଦ୍ମପୁର ପୂର୍ବତନ ବିଧାୟକ ପ୍ରଦୀପ ପୁରୋହିତ ଯୋଗଦାନ କରି ନୂଆଁଖାଇର ମହତ୍ୱ ଉପରେ ଆଲୋକପାତ କରିଥିଲେ । ମୋଟର ଚାଳକ ସଂଘର ସଦସ୍ୟମାନେ ତାଙ୍କର ବିଭିନ୍ନ ସମସ୍ୟା ସଂପର୍କରେ ପୂର୍ବତନ ବିଧାୟକ ଶ୍ରୀ ପୁରୋହିତଙ୍କ ଦୃଷ୍ଟି ଆକର୍ଷଣ କରିଥିଲେ । ଏହି ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମରେ ଶ୍ରୀପତି ମାଝି, ଦିନୁ ନାଏକ, ମାନସ ନାଏକ, ବେଦ ପିଟା, ପ୍ରସନ୍ନ ରଣା, ଦେବ ବାଗ, ତ୍ରିଲୋଚନ ହଂସ, କିର୍ତ୍ତନ ସତନାମୀ, ଜନତା ମାଝୀ, ଲିଙ୍ଗରାଜ ମାଝୀ, ଅଲେଖ ସାହୁଙ୍କ ପ୍ରମୁଖ ଡ୍ରାଇଭରମାନେ ଯୋଗଦାନ କରିଥିଲେ । ଶେଷରେ ଦିଲ୍ଲୀପ କୁମାର ଡନସେନା ଧନ୍ୟବାଦ ଅର୍ପଣ କରିଥିଲେ ।
