ପ୍ୟାରିସ୍ : ଫ୍ରାନ୍ସ ସରକାର ବୁଧବାର ଏକ ନୂତନ ବିଲ୍ ଆଣିଛନ୍ତି, ଯେଉଁଥିରେ ମହିଳା ଏବଂ ପୁରୁଷଙ୍କ ପାଇଁ ପୃଥକ ପୃଥକ ସୁଇମିଂ ପୁଲ୍ ରଦ୍ଦ ହୋଇଯିବ ଏବଂ ତିନି ବର୍ଷ ବୟସରୁ ପିଲାମାନଙ୍କୁ ବିଦ୍ୟାଳୟକୁ ପଠାଇବା ବାଧ୍ୟତାମୂଳକ ହେବ । କୁହାଯାଉଛି ଯେ, ଦେଶରେ ଏକ ଆଇନ ଆଣି ‘ଇସ୍ଲାମିକ ମୌଳିକତା’ ବିରୋଧରେ ଲଢ଼ିବା ପାଇଁ ପ୍ରସ୍ତୁତି ଚାଲିଛି, ଯାହା ବିଷୟରେ ରାଷ୍ଟ୍ରପତି ଇମାନୁଏଲ ମାକ୍ରୋନ ମୁସଲମାନ ଜନସଂଖ୍ୟା ତଥା ମୁସଲମାନ ଦେଶକୁ ଟାର୍ଗେଟ କରିଛନ୍ତି ।
ରିପବ୍ଲିକାନ୍ ପ୍ରିନ୍ସିପାଲ୍ସ୍ ସମର୍ଥନ କରୁଥିବା ପ୍ରସ୍ତାବିତ ଆଇନ ମାଧ୍ୟମରେ ଘରୋଇ ବିଦ୍ୟାଳୟ, ମସଜିଦ ଏବଂ ସଂଗଠନଗୁଡ଼ିକରେ ନିୟମ ପ୍ରୟୋଗ କରାଯାଇଛି, ଯାହା ଫ୍ରାନ୍ସର ଆଦର୍ଶକୁ ପ୍ରୋତ୍ସାହିତ କରିଥାଏ । ଏହା ଅଧୀନରେ, ତିନି ବର୍ଷ ବୟସ ପରେ ପିଲାମାନଙ୍କର ଘରୋଇ ବିଦ୍ୟାଳୟ ପାଇଁ ଅନୁମତି କେବଳ ବିଶେଷ ପରିସ୍ଥିତିରେ ଦିଆଯିବ । ଏହା ଅଧୀନରେ ବେଆଇନ ବିଦ୍ୟାଳୟଗୁଡ଼ିକ ଉପରେ କଡା ଟକ୍କର ଦିଆଯାଉଛି, ଯେଉଁଠାରେ ଏକ ନିର୍ଦ୍ଦିଷ୍ଟ ଏଜେଣ୍ଡା ଅଧୀନରେ ଶିକ୍ଷା ଚାଲିଥାଏ ।
ଏଥିସହ ମସଜିଦଗୁଡିକ ପୂଜାପାଠ ସ୍ଥାନ ଭାବରେ ପଞ୍ଜୀକୃତ ହେବ । ଏହାଫଳରେ ସେମାନଙ୍କୁ ଭଲ ଭାବରେ ଚିହ୍ନଟ କରାଯାଇପାରିବ । କୌଣସି ବି ବିଚାରପତି ଆତଙ୍କବାଦ, ଭେଦଭାବ, ଘୃଣା କିମ୍ବା ହିଂସା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ବ୍ୟକ୍କ୍ତିକୁ ମସଜିଦ ପରିଦର୍ଶନ ବନ୍ଦ କରିବାର ଅଧିକାର ପାଇବେ । ୧୦ ହଜାର ୟୁରୋରୁ ଅଧିକ ବିଦେଶୀ ପାଣ୍ଠି ଯଦି ଅଛି, ତେବେ ଘୋଷଣା କରିବାକୁ ପଡିବ । ଏଥି ସହିତ ଯେଉଁମାନେ ଏକରୁ ଅଧିକ ବିବାହ କରନ୍ତି, ସେମାନଙ୍କୁ ଆବାସିକ କାର୍ଡ ଦିଆଯିବ ନାହିଁ ।