ବଲାଙ୍ଗିର ରାମଜୀପଡାରେ ପାନ ଦୋକାନ ଓ ଗ୍ରୋସରୀ ଦୋକାନରୁ ଚୋରି ମାମଲାରେ ଦୁଇ ଜଣଙ୍କୁ ଗିରଫ କଲା ଟାଉନ ପୋଲିସ
ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରରେ ଅପରାଧ ରୋକିବା ପାଇଁ ପୋଲିସ ପକ୍ଷରୁ ତନାଘନା ଉଦ୍ୟମ ଜାରି ରହିଥିବା ବେଳେ ବଲାଙ୍ଗିର ରାମଜୀପଡାରେ ପାନ ଦୋକାନ ଓ ଗ୍ରୋସରୀ ଦୋକାନରୁ ଚୋରି ମାମଲାରେ ଆଜି ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ବଲାଙ୍ଗିର ଟାଉନ ପୋଲିସ । ଗିରଫ ଦୁଇ ଜଣ ଅଭିଯୁକ୍ତ ହେଲେ ରାଧାରାଣୀ ପଡାର ସୁଧିର ପଧାନ(୧୯) ଓ ବରପାଲିପଡାର ପପୁ ଓରଫ ପ୍ରକାଶ ମେହେର(୧୯) । ତେବେ ଏହି ଚୋରି ଘଟଣାର ଅଭିଯୋଗ ପାଇବା ପରେ ବଲାଙ୍ଗିର ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ବେଳେ ତୁରନ୍ତ ଅଭିଯୁକ୍ତ ମାନଙ୍କୁ ଗିରଫ କରି ଟାଉନ ଥାନା କେସ. ନଂ. ୩୧୪/୩.୭.୨୩ ଦଫା. ୪୫୭/୩୮୦ ଆଇପିସି ଆଧାରରେ କୋର୍ଟ ଚାଲାଣ କରିଥିବା ଆଇଆଇସି ବିଶ୍ୱଜିତ ମନବୋଧ ସୂଚନା ଦେଇଛନ୍ତି ।