ବୌଦ୍ଧ, (ବଂଶୀଧର ମାଝୀ) : କଣ୍ଟାମାଳ ବ୍ଲକ ବନ୍ଧଗୋରା ଧବଳେଶ୍ବର ମନ୍ଦିର ପରିସରରେ ଖଡଙ୍ଗ ମହୋତ୍ସବ ପାଳନ କମିଟି ତରଫରୁ ସଭାପତି ମନୋଜ ଦାଶଙ୍କ ସଭାପତିତ୍ବରେ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି । ସଂପାଦକ ଭକ୍ତଚରଣ ସାହୁ ସମସ୍ତଙ୍କୁ ଅଭିନନ୍ଦନ ଜଣାଇ କାର୍ୟ୍ୟକ୍ରମକୁ ସ୍ବାଗତ କରି ବାର୍ଷିକ ଆୟବ୍ୟୟ ବିବରଣୀ ଉପସ୍ଥାପନା କରିଥିଲେ । ସଭାରେ ଆସନ୍ତା ଜାନୁଆରୀ ମାସରେ ବାର୍ଷିକ କାର୍ୟ୍ୟକ୍ରମ କରୋନା କଟକଣା ମଧ୍ୟରେ ପାଳନ କରିବା ପାଇଁ ଆଲୋଚନା କରାଯାଇଥିଲା । ସାଂସ୍କୃତିକ କାର୍ୟ୍ୟକ୍ରମକୁ ବାଦଦେଇ ରକ୍ତଦାନ ଶିବିର ଏବଂ ଜୈବିକ କୃଷି ପାଇଁ କୃଷକ ତାଲିମ ଶିବିର ଆୟୋଜନ କରିବାନେଇ ଉପସ୍ଥିତ ସଦସ୍ୟମାନେ ମତବ୍ୟକ୍ତ କରିଥିଲେ । ଶେଷରେ ବରିଷ୍ଠ ସଦସ୍ୟ କାର୍ତ୍ତିକେଶ୍ବର ବେହେରା ଧନ୍ୟବାଦ ଅର୍ପଣ କରିଥିଲେ । କମିଟିର ସମସ୍ତ ସଦସ୍ୟ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ।