ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ସରସ୍ଵତୀ ଶିଶୁ ବିଦ୍ୟା ମନ୍ଦିର ମାଣଚିନା ପ୍ରାଙ୍ଗଣରେ ବାର୍ଷିକ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ସଭାପତି ଅତୁଲ୍ୟ ଶତପଥୀ ଓ ସଂପାଦକ ଜିତେନ୍ଦ୍ର ସ୍ୱାଇଁଙ୍କ ସଭାପତିତ୍ୱରେ ସଭା କାର୍ଯ୍ୟ ଆରମ୍ଭ ହୋଇଥିଲା । ଉକ୍ତ ମେଳାରେ ୫୦ଟି ପ୍ରକଳ୍ପ ସାମିଲ ହୋଇଥିଲା । ସେଥିମଧ୍ୟରୁ ୮ଟି ପ୍ରକଳ୍ପକୁ ବଛାଯାଇ ପୁରସ୍କାର ପ୍ରଦାନ କରାଯାଇଥିଲା । ବିଦ୍ୟାଳୟର ଗୁରୁମା ଅମ୍ବିକା ନାୟକ, ସୂର୍ଯ୍ୟକାନ୍ତି ମହାରଣା, ରୋଜାଲିନ ବରାଳ, ନର୍ମଦା ସାହୁ, ବିଜୟଲକ୍ଷ୍ମୀ ବେହେରା ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ସହଯୋଗ କରିଥିଲେ । ସମସ୍ତ କାର୍ଯ୍ୟ ବିଜ୍ଞାନ ଶିକ୍ଷକ ପ୍ରତାପ କୁମାର ଜେନା ସଂପାଦନା କରିଥିଲେ ।