ଖପ୍ରାଖୋଲ, (ଅଶୋକ ବାଗ) : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ବିଦ୍ୟୁତ ଗ୍ରୀଡ ଠାରେ ସୁରକ୍ଷିତ ବିଦ୍ୟୁତ ବ୍ୟବହାର ନେଇ ସଚେତନତା କାର୍ଯ୍ୟକ୍ରମର ଶୁଭାରମ୍ଭ ହୋଇଯାଇଛି । ଏହି ଅବସରରେ ଏକ ସଚେତନତା ରଥ ଗ୍ରୀଡ ଠାରୁ ବାହାରି ସ୍ଥାନୀୟ ବସ୍ଷ୍ଟାଣ୍ଡ ଠାରେ ସୁରକ୍ଷିତ ବିଦ୍ୟୁତ ବ୍ୟବହାର ନେଇ ଏକ ଚଳଚ୍ଚିତ୍ର ପ୍ରଦର୍ଶିତ ହୋଇଥିଲା । ବିଦ୍ୟୁତ ଉପକରଣ ସହିତ ବିଦ୍ୟୁତ ତାର, ସର୍ଟସର୍କିଟ, ହାଇଭୋଲଟେଜ ତାର ଠାରୁ ଦୂରେଇ ରହିବା, ଓଦା ହାତରେ ବିଦ୍ୟୁତ ଉପକରଣ ନ ଛୁଇଁବା ଉପରେ ସଚେତନତା ବାର୍ତ୍ତା ଦିଆ ଯାଇଥିଲା । ଏହି ଅବସରରେ ଟିପିଡବ୍ଲୁଡିଏଲର ସୁପରଭାଇଜର ସୌମ୍ୟ ରଞ୍ଜନ ପଟ୍ଟନାୟକ, ଲାଇନ୍ମ୍ୟାନ ମନୋଜ ମହାନ୍ତି, ରାମପ୍ରସାଦ ସାହୁ, ଦୁର୍ଯ୍ୟୋଧନ ସାହୁ, କଳ୍କୀ ମହାପାତ୍ର, ଜୁଳୁ ବରିହା ସମେତ ବିଦ୍ୟୁତ ବିଭାଗର କର୍ମଚାରୀମାନେ ଉପସ୍ଥିତ ଥିଲେ ।