କୋକସରା : କଳାହାଣ୍ଡି ଜିଲ୍ଲା କୋକସରା ବ୍ଲକ ଗମ୍ଭାରୀଗୁଡା ପଞ୍ଚାୟତ ବଙ୍ଗୋମୁଣ୍ଡା ଗ୍ରାମରେ ଭୟାବହ ଅଗ୍ନିକାଣ୍ଡ ଘଟି ଧାନଗଦା ଓ ପାଳଗଦା ଜଳିଯାଇଥିବା ଜଣାପଡିଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ସୂଚନାନୁଯାୟୀ, ଗୁରୁବାର ଦିନ ୧୧ଟାରେ ବଙ୍ଗୋମୁଣ୍ଡା ଗ୍ରାମର ହର ନାଗ ନାମକ ଜଣେ ନାମମାତ୍ର ଚାଷୀଙ୍କ ଖଳାରେ ଗଦା ହୋଇଥିବା ଧାନ ଓ ପାଳଗାଦାରେ କୌଣସି କାରଣବଶତଃ ନିଆଁ ଲାଗି ଯାଇଥିଲା । ଏନେଇ ସେ ଦମକଳ ବାହିନୀକୁ ଖବର ଦେଇଥିଲେ । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ଏହି ଅଗ୍ନିକାଣ୍ଡରେ ହର ନାଗଙ୍କ ୨ ଏକର ଚାଷ ଜମିରେ ଅମଳ ହୋଇଥିବା ଧାନ ନଷ୍ଟ ହୋଇଯାଇଛି । ଫଳରେ କ୍ଷତିପୂରଣ ପାଇଁ ହର ନାଗ ଦାବୀ କରିଛନ୍ତି ।