ତୁରେକେଲା, (କୈଳାଶ ସଗ୍ରିଆ) : ଏସସିଡି ଟିଟିଲାଗଡ଼ ଚକ୍ଷୁ ଡାକ୍ତରଖାନା ସହଯୋଗରେ ପ୍ରେସ୍ କ୍ଲବ ପକ୍ଷରୁ ତୁରେକେଲା ବ୍ଲକ ଠାରେ ନିଶୁଳ୍କ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ହାଜି ମହମ୍ମଦ ଆୟୁବ ଖାଁ, ସମ୍ମାନିତ ଅତିଥି ଭାବେ କଣ୍ଟାବାଞ୍ଜି ନଗରପାଳ ବରିୟମ ସିଂ ସାଲୁଜା ଯୋଗ ଦେଇଥିଲେ । ତୁରେକେଲା ବ୍ଲକ ଓ ଆଖପାଖ ଅଞ୍ଚଳର ଶତାଧିକ ଲୋକ ଏହି ଶିବିରରେ ସାମିଲ ହୋଇ ନିଶୁକ୍ଳ ଚକ୍ଷୁ ଚିକିତ୍ସା କରାଇଥିଲେ । ମୋତିଆବିନ୍ଦୁ ଯାହାର ଅଛି ସେମାନଙ୍କ ଟିଟିଲାଗଡ଼ ଏସସିଡ଼ି ଚକ୍ଷୁ ଡାକ୍ତରଖାନାରେ ରାଜ୍ୟ ସରକାରଙ୍କ ବିଜୁ ସ୍ୱାସ୍ଥ୍ୟ କାର୍ଡରେ ନିଶୁଳ୍କ ଅପରେସନ କରାଯିବ ବୋଲି ଡାକ୍ତର ସୂଚନା ଦେଇଛନ୍ତି । ଅନ୍ୟ ପକ୍ଷରେ ଏଭଳି ଜନସେବା କାର୍ଯ୍ୟକ୍ରମ ପ୍ରେସ୍ କ୍ଲବ ଆୟୋଜନ କରିଥିବାରୁ ଅତିଥି ପ୍ରଶଂସା କରିଥିଲେ । ଆଗକୁ ଯାହା ବି ଏଭଳି କାର୍ଯ୍ୟକ୍ରମ ହେବ ସେ ସହଯୋଗ କରିବେ ବୋଲି ମଧ୍ୟ କହିଥିଲେ ।