ଜରାସିଂହା, (କେପିଏନ୍ଏସ୍) : ଜରାସିଂହା ଉଚ୍ଚ ମାଧ୍ୟମିକ ବିଦ୍ୟାଳୟରେ ଦୁର୍ନୀତି ନିବାରଣ ସପ୍ତାହ ପାଳିତ ହୋଇଯାଇଛି । ଅଧ୍ୟକ୍ଷ ବସନ୍ତ କୁମାର ମନହୀରାଙ୍କ ସଭାପତିତ୍ୱରେ ତଥା ପ୍ରାଧ୍ୟାପକ ରଞ୍ଜନ କୁମାର ପାଣିଗ୍ରାହୀଙ୍କ ସଂଯୋଜନାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରକାଶ ଥାଉକି ଗତ ୩୧/୧୦/୨୦୨୨ରେ ସମସ୍ତ ଛାତ୍ରଛାତ୍ରୀ ତଥା ଅଧ୍ୟାପକ ଓ କର୍ମଚାରୀମାନେ ଶପଥ ନେଇଥିଲେ । ତା ୩/୧୧/୨୦୨୨ରେ ଇଂରାଜୀ ତର୍କ ଓ ୪/୧୧/୨୦୨୨ରେ ଓଡିଆ ତର୍କ ପ୍ରତିଯୋଗିତା ହୋଇଥିଲା । ୫/୧୧/୨୦୨୨ତାରିଖ ପୂର୍ବାହ୍ନ ୧୦ଟାରେ ଛାତ୍ରଛାତ୍ରୀ ତଥା ଅଧ୍ୟାପକ ମାନଙ୍କ ଦ୍ୱାରା ଗଣ ଦୌଡର ଆୟୋଜନ କରାଯାଇଥିଲା । ପରେ ପରେ ଏକ ସାଧାରଣ ସଭାରେ ପ୍ରାଧ୍ୟାପକ ଗୋବିନ୍ଦ ମେହେର ମୁଖ୍ୟବକ୍ତା ଓ ପ୍ରାଧ୍ୟାପକ ଧୋବାଇ ଚରଣ ପଟେଲ ସମ୍ମାନିତ ଅତିଥି ଭାବେ ଯୋଗ ଦେଇ ଦୁର୍ନୀତି ନିବାରଣ ଉପରେ ଆଲୋକପାତ କରିଥିଲେ । ଉକ୍ତ ସଭାରେ ଛାତ୍ରୀ ସୁନୀତା ମେହେର, ଲିଲି ମେହେର, ରେଣୁକା ନାଏକ, ଛାତ୍ର ଗଣେଷ ମେହେର, ଭାରତ ଗୌରବ ବହିଦାର ପ୍ରମୁଖ ନିଜ ନିଜ ବକ୍ତବ୍ୟ ଉପସ୍ଥାପନ କରିଥିଲେ । ଉକ୍ତ କାର୍ଯ୍ୟକ୍ରମରେ ଖେଳ ଶିକ୍ଷକ ପ୍ରଶାନ୍ତ ଥନାପତି, ପ୍ରଦୀପ ମହାନ୍ତି, ବିଇଓ ବାଳଶଙ୍କର ମେହେର, ଜୟହିନ୍ଦ ଛତ୍ରିଆ, ଅବନିରଞ୍ଜନ ସିଂନିନା, ଶିବ ମେହେର, ତ୍ରିଶୁଳ ସୁନା, ପବିତ୍ର ମେହେର ପ୍ରମୁଖ ସହଯୋଗ କରିଥିଲେ । ଶେଷରେ ପ୍ରାଧ୍ୟାପକ ଦୁର୍ବାଦଳ ଘିବେଲା ଧନ୍ୟବାଦ ଅର୍ପଣ କରିଥିଲେ ।