କଳାହାଣ୍ଡି, (ପି.କେ. ସାହୁ) : ଭାରତ ସରକାର ଯୁବ ବ୍ୟାପାର ଓ କ୍ରୀଡା ମନ୍ତ୍ରାଳୟ ନେହେରୁ ଯୁବ କେନ୍ଦ୍ର କଳାହାଣ୍ଡି ଜିଲ୍ଲା ଯୁବ ଅଧିକାରୀ ପ୍ରସନ୍ନ କୁମାର ମେହେର ଓ ଲେଖାପାଳ ଦ୍ୱିତୀୟ ବନଛୋରଙ୍କ ତତ୍ୱବଧାନରେ କଳାରୁଦ୍ର ଯୁବକ ସଂଘ କୁସୁର୍ଲା (ହଜାରୀପଡା) ପକ୍ଷରୁ ମ.ରାମପୁର ବ୍ଲକ ମାଣେକେରା ପଞ୍ଚାୟତ ନିକଟସ୍ଥ ମୁଖିପଟା ଜଳପ୍ରପାତ ପରିସରରେ ସ୍ୱଛତା କରାଯାଇଥିଲା । ଏହି ସ୍ଥାନ ମଦନପୁର ରାମପୁର ଓ କର୍ଲାମୁଣ୍ଡା ଆକର୍ଷଣୀୟ ସ୍ଥାନ ଏହି ଜଳପ୍ରପାତଙ୍କୁ ଅନେକ ଲୋକ ଦେଖିବାକୁ ଆସିଥାନ୍ତି । ତାହାକୁ ଦୃଷ୍ଟିରେ ରଖି କଳାରୁଦ୍ର ଯୁବକ ସଂଘର ପୂର୍ବତନ ସଭାପତି ତଥା ଜାତୀୟ ଯୁବ ସ୍ୱେଚ୍ଛାସେବୀ ସନତ କୁମାର ସାହୁଙ୍କ ନେତୃତ୍ୱରେ କଳାରୁଦ୍ର ଯୁବକ ସଂଘ କର୍ମକର୍ତ୍ତା ମାନେ ମୁଖିପଟା ଜଳପ୍ରପାତ ପରିସର ସଫେଇ କାର୍ଯ୍ୟକ୍ରମ କରିଥିଲେ । ଏଥିରେ ପ୍ରାୟ ୨୦ କେଜି ପ୍ଲାଷ୍ଟିକ ଓ କାଚ ବୋତଲ ପଡିଥିବା ବେଳେ ତାହା ସଫା କରାଯାଇଥିଲା । ଆୟୋଜିତ କାର୍ଯ୍ୟକ୍ରମରେ କର୍ଲାମୁଣ୍ଡା ବ୍ଲକର କଳାରୁଦ୍ର ଯୁବକ ସଂଘର ପରିବେଶ ସମ୍ପାଦକ ଲଳିତ ସାହୁ, ଅରବିନ୍ଦ ସାହୁ, ନୀଳକଣ୍ଠେଶ୍ଵର ସାହୁ, ହରପ୍ରସାଦ ସାହୁ, ହେମନ୍ତ ସାହୁ ଉପସ୍ଥିତ ରହି ସ୍ଵଚ୍ଛତା କାମରେ ସହଯୋଗ କରିଥିଲେ ।