ପାଟଣାଗଡ଼, (ପୁସ୍ତମ୍ ଯୁଆଡି) : ପାଟଣାଗଡ ବନବିଭାଗ ଓ କୋସଲି ଡେରା ପାଟଣାଗଡ ତରଫରୁ ଫଟାମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟଠାରେ ବନମହୋତ୍ସବ ପାଳିତ ହୋଇଯାଇଛି । ପାଟଣାଗଡ ବନାଞ୍ଚଳ ରେଞ୍ଜ ଅଧିକାରୀ ଆନନ୍ଦ ଚନ୍ଦ୍ର ବିଶି ଓ ଫଟାମୁଣ୍ଡା ସରପଞ୍ଚ ଶ୍ରୀମତି ଋତୁମ୍ଭରା ନାଏକ ଅତିଥି ଭାବେ ଯୋଗ ଦେଇଥିଲେ । ଲରମ୍ଭା ବନପାଳ ଶ୍ୟାମସୁନ୍ଦର ସାହୁ, ସୁନ୍ଦର ରାମ ସାଏ, ଉମାବତୀ ଭୁଏ, ସନ୍ତୋଷ କୁମାର ରାଉତ, ଉତ୍ତର ଷାଣ୍ଢ ପ୍ରମୁଖ ବନ କର୍ମଚାରୀ ଯୋଗ ଦେଇଥିଲେ । କୋସଲି ଡେରାରୁ ଲାଲଚନ ବଗର୍ତ୍ତୀ, ତ୍ରିଲୋଚନ ସାହୁ, ଭକ୍ତବନ୍ଧୁ ବିଶ୍ୱାଲ ତଥା ବିଦ୍ୟାଳୟର ଶିକ୍ଷୟତ୍ରୀମାନେ ସହଯୋଗ କରିଥିଲେ । ବଉଲ, ଅଅଁଳା ଭଳି ଚାରା ରୋପଣ କରିଥିଲେ । ଶେଷରେ ସଭାପତି ବିରାଟ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ ।