ସାଢେ଼ ତିନି ଲକ୍ଷ ଟଙ୍କା ସୁଧରେ ଲଗାଇ ୨ କୋଟି କରିଦେଲେ ସାହୁକାର, ପୀଡିତ କୃଷକଙ୍କ ଆତ୍ମହତ୍ୟା
କରୋଲି : ରାଜସ୍ଥାନର କରୋଲି ଜିଲ୍ଲାର ନାଦୋତି ଅଞ୍ଚଳରେ ଜଣେ କୃଷକ ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି । ଚାଷୀଙ୍କ ପରିବାର ସଦସ୍ୟ ଅଭିଯୋଗ କରିଛନ୍ତି ଯେ, ସେ ୧୦-୧୨ ବର୍ଷ ପୂର୍ବେ ସାହୁକାରଙ୍କ ଠାରୁ ସାଢେ଼ ତିନି ଲକ୍ଷ ଟଙ୍କା ନେଇଥିଲେ । ଲଗାତାର ଋଣ କିସ୍ତି ପରିଶୋଧ କରିବା ପରେ ବି ଋଣଦାତା ନିଜ ଇଚ୍ଛା ମୁତାବକ ସୁଧ ଆଦାୟ କରି ଏହି ଋଣ ପରିମାଣ ୨ କୋଟି ଟଙ୍କାକୁ ବୃଦ୍ଧି କରିଥିଲେ । ଏଥିରେ ବ୍ୟତିବସ୍ତ ଯାଇ ସେ ଆତ୍ମହତ୍ୟା କରିଥିଲେ । କମ୍ୟୁନିଟି ହେଲ୍ଥ ଡ଼ାକ୍ତରଖାନାରେ ପୋଷ୍ଟମର୍ଟମ କରିବା ପରେ ପୋଲିସ ଚାଷୀଙ୍କ ମୃତଦେହକୁ ପରିବାର ସଦସ୍ୟଙ୍କୁ ହସ୍ତାନ୍ତର କରିଛି । ଏହା ପରେ ତାଙ୍କୁ ଏକ ଅଶ୍ର୍ରୁଳ ପରିବେଶରେ ତାଙ୍କ ଶବଦାହ କରାଯାଇଥିଲା ।
ପୋଲିସର ସୂଚନାନୁସାରେ, ଏହି ଘଟଣା ନାଦୋତି ପୋଲିସ ଷ୍ଟେସନ ଅଞ୍ଚଳର ସୋପ ଗାଁର । ବୁଧବାର କୃଷକ କମଲରାମ ମୀନା ନିଜ ଘର ନିକଟରେ ଥିବା ଏକ କ୍ଷେତରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ତାଙ୍କ ମୃତଦେହ ଏକ ଆକାଶୀ ଗଛରେ ଦଉଡିରେ ଝୁଲୁଥିବା ଦେଖିବାକୁ ମିଳିଥିଲା । ଏହି ସୂଚନା ପାଇବା ପରେ କମଲ ରାମଙ୍କ ପରିବାରରେ ଉତ୍ତେଜନା ଦେଖାଦେଇଥିଲା । ପରେ ପୋଲିସକୁ ସୂଚନା ଦିଆଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ନିଜ ଅଧୀନରେ ନେଇଥିଲା । ମୃତ ଦେହର ପୋଷ୍ଟମର୍ଟମ କରିବା ପରେ ସମ୍ପର୍କୀୟଙ୍କୁ ହସ୍ତାନ୍ତର କରାଯାଇଥିଲା ।