ବଲାଙ୍ଗିର, (ଦେବାଶିଷ ମିଶ୍ର) : ମହାରାଜ ଆର.ଏନ୍.ସିଂହଦେଓ ଫୁଟବଲ ଟୁର୍ଣ୍ଣାମେଣ୍ଟ କମିଟି ପକ୍ଷରୁ ଓ ଜିଲ୍ଲା କ୍ରୀଡା ସଂସଦର ସହଯୋଗରେ ଆଜି ବଲାଙ୍ଗିର ଗାନ୍ଧୀ ଷ୍ଟାଡିୟମ ଠାରେ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଦ୍ୱିତୀୟ ଦିବସ ଖେଳ ଅନୁଷ୍ଠିତ ହୋଇଯାଇଛି । ସୁନ୍ଦରଗଡ ବନାମ ସମ୍ବଲପୁର ମଧ୍ୟରେ ଅନୁଷ୍ଠିତ ଖେଳରେ ନିର୍ଦ୍ଧାରିତ ସମୟ ମଧ୍ୟରେ ୨-୨ ଗୋଲରେ ଖେଳ ଡ୍ର ରହିଥିଲା । ସଡନଡେଥ୍ରେ ସୁନ୍ଦରଗଡ ଦଳ ବିଜୟୀ ହୋଇଥିଲା । ରାଜେନ୍ଦ୍ର ବିଶ୍ୱ ବିଦ୍ୟାଳୟରେ ବଲାଙ୍ଗିର କୁଳପତି ଡ. ଉମାବଲ୍ଲଭ ମହାପାତ୍ର ଓ ସରକାରୀ ମହିଳା ମହାବିଦ୍ୟାଳୟରେ ବଲାଙ୍ଗିର ଅଧ୍ୟକ୍ଷ ଡ. ଅରବିନ୍ଦ ଓଝା ଅତିଥି ଭାବେ ଯୋଗ ଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ଓଡିଶା ଫୁଟବଲ ଏସୋସିଏସନ ସଭାପତି ତଥା ଜିଲ୍ଲା କ୍ରୀଡା ସଂସଦ କାର୍ଯ୍ୟକାରୀ ସଭାପତି ଡ. ଶ୍ରୀକର ମିଶ୍ର ଓ ଟୁର୍ଣ୍ଣାମେଣ୍ଟ କମିଟି ସଂପାଦକ ସାଗର ସଙ୍ଗମ ଶତପଥି ମଂଚାସିନ ଥିଲେ । କ୍ରୀଡା ସଂସଦର କୋଷାଧ୍ୟକ୍ଷ ହେମନ୍ତ କୁମାର ବେହେରା କାର୍ଯ୍ୟକ୍ରମକୁ ସଂଯେଜନା କରିଥିଲେ । ଖେଳକୁ ସଂଜିବ ମହାରଣା, ସଂଜନ କୁଦେଇ, କରୁଣାକର ପ୍ରଧାନ ଓ ନରସିଂ ସ୍ୱାମୀ ନାଇଡୁ ପରିଚାଳନା କରିଥିଲେ । କ୍ରୀଡା ସଂସଦର ଫୁଟବଲ ସଂପାଦକ ଶରତ କୁମାର ନନ୍ଦ ମ୍ୟାଚ କମିଶନର ଦାୟିତ୍ୱ ତୁଳାଇଥିଲେ । ପୂର୍ବତନ ଖେଳାଳି ଶ୍ରୀଧର ବଢିଆ ଓ ଶ୍ରୀକାନ୍ତ ରାଉତଙ୍କୁ କମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଟୁର୍ଣ୍ଣାମେଣ୍ଟ କମିଟିର ସମସ୍ତ କର୍ମକର୍ତ୍ତା ଓ ସଦସ୍ୟ ବୃନ୍ଦ ସହଯୋଗ କରିଥିଲେ । ମଙ୍ଗଳବାର ସୁନ୍ଦରଗଡ ବନାମ ଭବାନୀପାଟଣା ମଧ୍ୟରେ ଖେଳ ହେବ ବୋଲି ଫିକ୍ସଚର କମିଟିର ମୁଖ୍ୟ ଭୁପେନ୍ଦ୍ର ପ୍ରସାଦ ସିଂ ସୂଚନା ଦେଇଛନ୍ତି ।