ସମ୍ବଲପୁର : ସମ୍ବଲପୁର କିସିଣ୍ଡା ଥାନା ଅନ୍ତର୍ଗତ ବଲମ ପିତାବଳୀପଡାରେ ଆଈ ମୁଣ୍ଡକୁ ଠୋଙ୍ଗାରେ ପିଟି ପିଟି ହତ୍ୟା କଲା ନାତି । ରକ୍ତ ଜୁଡୁବୁଡୁ ଅବସ୍ଥାରେ ବୃଦ୍ଧ ମହିଳାଙ୍କୁ ଉଦ୍ଧାର କରଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତର ସେଠାରୁ ବୃଦ୍ଧଙ୍କ ମୃତ୍ୟୁ ଘଟିଥିବା ସୂଚନା ଦେଇଛନ୍ତି । ମୃତକ ଜଣକ ହେଲେ ସୁକାନ୍ତୀ ମୁଣ୍ଡା ବୋଲି ଜଣାପଡିଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ ୨ ଜଣ ନାତିଙ୍କୁ ଗିରଫ କରିଛି ।
ସୂଚନା ମୁତାବିକ, ନାତି ପରମେଶ୍ବରଙ୍କ ସ୍ତ୍ରୀ ଏକ କଖାରୁ ଗଛ ଲଗାଇଥିବା ବେଳେ ତାକୁ କିଏ ଓପାଡି ଦେଇଥିଲେ । ସେପେଟେ ପରମେଶ୍ବର ରାଗ ରଖି ଆଈର କଖାରୁ ଗଛ ଓପାଡି ଦେବାରୁ ଝଗଡ଼ା ଲାଗିଥିଲା । ନାତି ପରମେଶ୍ବର ରାଗି ଯାଇ ପାଖରେ ପଡିଥିବା ଏକ ଠେଙ୍ଗାରେ ବୃଦ୍ଧଙ୍କ ମୁଣ୍ଡକୁ ବାରମ୍ବାର ପିଟି ଥିଲେ । ବୃଦ୍ଧ ମହିଳାଙ୍କ ମୁଣ୍ଡରେ ଗଭୀର ଆଘାତ ଲାଗିବା ଫଳରେ ଅତ୍ୟାଧିକ ରକ୍ତ ସ୍ରାବ ହୋଇଥିଲା । ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା ହେଲେ ସେଠାରେ ସୁକାନ୍ତୀଙ୍କ ମୃତ୍ୟୁ ଘଟିଥିଲା । ଏହି ଘଟଣା ଘଟିଥିବା ବେଳେ ପୋଲିସ ୨ ଜଣ ନାତିଙ୍କୁ ଗିରଫ କରିଛି ।