ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ପୁଇଁନ୍ତଳା ଥାନା ଅଇଁଲାସାରି ଗ୍ରାମରେ ବିଳମ୍ବିତ ରାତିରେ ବିଭତ୍ସ ହତ୍ୟାକାଣ୍ଡ ଘଟିଥିବା ଜଣାପଡିଛି । ଘରେ ପଶି ଜଣଙ୍କୁ ହାଣି ହତ୍ୟା କରାଯାଇଥିବା ଅଭିଯୋଗ ହୋଇଛିି । ମୃତକ ଜଣଙ୍କ ହେଲେ ଜନମୁ ଖୁଟୁଲି । ସୂଚନା ଅନୁସାରେ, ନିଜ ଘରେ ଶୋଇଥିବା ସମୟରେ ଜନମୁ ଖୁଟୁଲିଙ୍କୁ କୁରାଢିରେ ହାଣିବା ସହିତ ଧାରୁଆ ଅସ୍ତ୍ରରେ ବେକ ଏବଂ କାନକୁ ବାରମ୍ବାର ଲହୁ ଲୁହାଣ କରିଥିଲେ ଦୁର୍ବୃତ୍ତ । ଘଟଣା ସମ୍ପର୍କରେ ଘର ଲୋକ ଖବର ପାଇ ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କୁ ବଲାଙ୍ଗିର ଡାକ୍ତରଖାନାକୁ ନେଇଥିଲେ । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ବୁର୍ଲାରେ ଚିକିତ୍ସିତ ଅବସ୍ଥାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ ।