ରାଉରକେଲା, (ସସ୍ମିତା ପ୍ରଧାନ) : ବେଦବ୍ୟାସ ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ପ୍ରଫୁଲ୍ଲ କୁମାର ବାରିକଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା ସଭା ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ଓ ଲାୟନ୍ସ କ୍ଲବ ରାଉରକେଲା ବେଦବ୍ୟାସ ଗ୍ରେଟରର ମିଳିତ ଆନୁକୂଲ୍ୟ ତଥା ବରିଷ୍ଠ ଶିକ୍ଷକ ଗିରିଶ ଚନ୍ଦ୍ର ପଣ୍ଡାଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ଲାୟନ୍ସ କ୍ଲବର ପ୍ରାକ୍ତନ ଜିଲ୍ଲା ଗଭର୍ଣ୍ଣର ରାକେଶ କୁମାର ସିଂ ଉଦ୍ଘାଟକ, ବରିଷ୍ଠ ଟ୍ରଷ୍ଟି ତଥା ସାମାଜିକ କର୍ମୀ ପ୍ରମୋଦ ପ୍ରଧାନ ମୁଖ୍ୟ ଅତିଥି, ମୁଖ୍ୟବକ୍ତା ଭାବେ ସଂସ୍କୃତ ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଉମାକାନ୍ତ ପଣ୍ଡା, ସମ୍ମାନିତ ବକ୍ତା ଭାବେ ଶିକ୍ଷାବିତ ସନ୍ତୋଷ କୁମାର ନାୟକ, ଲାୟନ ଇଂ କିରଣ ପ୍ରସାଦ ମେହେର, ରାମଚନ୍ଦ୍ର ସାହୁ, ପ୍ରତିଷ୍ଠାତା ସଭାପତି ତୁଳସୀରାମ ସେଠ୍, ସମ୍ପାଦକ ଅଭିରାମ ମିଶ୍ର, ବାଲିଶଙ୍କରା ସରକାରୀ ଗୋଷ୍ଠୀ ଶିକ୍ଷାଧିକାରୀ ଖଗେଶ୍ୱର ମଲ୍ଲିକ, ବେଦବ୍ୟାସ ଗ୍ରେଟରର ସଭାପତି ପ୍ରକାଶ ଚନ୍ଦ୍ର ଧଳ, ଗୋଲାପ ଚନ୍ଦ୍ର କୌଶିକ ଓ ବିଭିନ୍ନ ବିଦ୍ୟାଳୟର ପ୍ରଧାନଶିକ୍ଷକ, ଶିକ୍ଷୟିତ୍ରୀମାନେ ଯୋଗଦେଇ ଶ୍ରୀ ବାରିକଙ୍କ ଶିକ୍ଷାଦାନ ପ୍ରତି ପ୍ରତିବଦ୍ଧତା, ବିଦ୍ୟାଳୟ ପ୍ରତି ସମର୍ପିତ ମନୋଭାବ ତଥା ଶିଶୁ ସାହିତ୍ୟ ପତ୍ରିକା ତେଲିଙ୍ଗି ବାଜାର ସମ୍ପାଦକ ଭାବେ ସାହିତ୍ୟ ପ୍ରତି ଅବଦାନ ସମ୍ପର୍କରେ ଆଲୋଚନା କରିଥିଲେ । ଅନ୍ୟ ମାନଙ୍କ ମଧ୍ୟରେ ପ୍ରଫୁଲ୍ଲ ମିଶ୍ର, ଚନ୍ଦ୍ରଶେଖର ନାୟକ, ସନତ ପ୍ରଧାନ, ରଘୁନାଥ ବେହେରା, ବରିଷ୍ଠ ସାମ୍ବାଦିକ କୁଞ୍ଜବିହାରୀ ରାଉତ, ସଂଗ୍ରାମ କେଶରୀ ଭୂୟାଁ, ଆଲୋକ ସ୍ୱାଇଁ, ଅଶୋକ ପାତ୍ର, ଶରତ ବାବୁ ପ୍ରମୁଖ ପ୍ରଫୁଲ୍ଲ ସାର୍ଙ୍କ ସହିତ ବିତାଇଥିବା ମୁହୁର୍ତ୍ତ ଗୁଡ଼ିକୁ ରୋମନ୍ଥନ କରିବା ସହ ସାର୍ଙ୍କ ଆଗାମୀ ଜୀବନ ସୁଖମୟ ଓ ସମୃଦ୍ଧିମୟ ହେଉ ବୋଲି କାମନା କରିଥିଲେ । ସାର୍ଙ୍କ ସହଧର୍ମିଣୀ କମଳା ବାରିକ ସମସ୍ତ ଅତିଥିଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ମାନିତ କରିବା ସହ ପ୍ରଫୁଲ୍ଲ ସାର୍ ଓ ସେ ତାଙ୍କ ଭାବ ବିହ୍ୱଳ ବକ୍ତବ୍ୟରେ ସମସ୍ତଙ୍କ ଆଶ୍ରିବାଦ ଓ ସହଯୋଗ ପାଇଁ ସମସ୍ତଙ୍କୁ ଧନ୍ୟବାଦ ତଥା କୃତଜ୍ଞତା ଜ୍ଞାପନ କରିଥିଲେ । ଏହି ଅବସରରେ କେକ୍ କଟାଯାଇ ସାର୍ଙ୍କ ନିରାମୟ ଜୀବନ କାମନା କରାଯାଇଥିଲା । ସାରଙ୍କ ପାଖରେ ପଢିଥିବା ପୁରାତନ ଛାତ୍ରଛାତ୍ରୀ, ବିଭିନ୍ନ ବିଦ୍ୟାଳୟ ତଥା ବିଭିନ୍ନ ଅନୁଷ୍ଠାନ ତରଫରୁ ଶ୍ରୀ ବାରିକଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ପ୍ରାରମ୍ଭରେ ଛାତ୍ରୀ ଗୀତା, ସୁଶ୍ରିତା, ସ୍ମୃତିଲେଖା ଓ ପ୍ରିତୀ ସ୍ୱାଗତ ସଂଗୀତ ଗାନ କରିଥିଲେ । ଏହି କାର୍ଯ୍ୟକ୍ରମ ପରିଚାଳନାରେ ବିଦ୍ୟାଳୟର ଉମେଶ ଚନ୍ଦ୍ର ଦାସ, ସୁଶାନ୍ତ କୁମାର ପାଢ଼ୀ, ସୁପ୍ରିୟା ମହାରଣା, ମଞ୍ଜୁବାଳା ତ୍ରିପାଠୀ, ଶଶଧର ସାହୁ, ସୀତା ନାଗ, ସୁବାସ ଚନ୍ଦ୍ର ସାହୁ, ଲକ୍ଷ୍ମୀଧର ସାହୁ ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ମାନେ ସହଯୋଗ କରିଥିଲେ । ଏହି ଅବସରରେ ବହୁ ପୁରାତନ ଛାତ୍ରଛାତ୍ରୀ, ଅଭିଭାବକ, ବେଦବ୍ୟାସ ଅଞ୍ଚଳର ବିଶିଷ୍ଟ ବ୍ୟକ୍ତି ମାନେ ଯୋଗ ଦେଇଥିଲେ ।