ୱାଶିଂଟନ : ଆମେରିକାର ଆର୍କାସସର ପୁଲାସ୍କି କାଉଣ୍ଟିରେ ଏକ ଘରୋଇ ବିମାନ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି । ଏହି ଦୁର୍ଘଟଣାରେ ୫ ଜଣଙ୍କର ମୃତ୍ୟୁ ହୋଇଛି । ଆମେରିକାର ଗଣମାଧ୍ୟମ ଅନୁଯାୟୀ ଟୁଇନ-ଇଞ୍ଜିନ ବିମାନ ବିଲ ଏବଂ ହିଲାରୀ କ୍ଲିଣ୍ଟନ ଜାତୀୟ ବିମାନବନ୍ଦରରୁ ଉଡ଼ାଣ କରିଥିଲା । ଫେଡେରାଲ ଆଭିଏସନ ଆଡମିନିଷ୍ଟ୍ରେସନ କହିଛି ଯେ, ଓହିଓର ଜନ ଗ୍ଲେନ କଲମ୍ବସ ଅନ୍ତର୍ଜାତୀୟ ବିମାନବନ୍ଦରକୁ ଯିବାବେଳେ କ୍ରାଫ୍ଟ ବିଇ-୨୦ରେ ପାଞ୍ଚ ଜଣ ଯାତ୍ରୀ ଥିଲେ । ଏଲଆରପିଡିର ଏକ ଟ୍ୱିଟ ଅନୁଯାୟୀ ପୁଲସ୍କି କାଉଣ୍ଟି ସରିଫ କାର୍ଯ୍ୟାଳୟ, ଲିଟିଲ ରକ ପୋଲିସ ବିଭାଗ ଏବଂ ଲିଟିଲ ରକ ଅଗ୍ନିଶମ ବିଭାଗ ଖବର ପାଇ ଘଟଣାସ୍ଥଳରେ ଉପସ୍ଥିତ ଥିଲେ ।