କରୋନାର ନୂତନ ପ୍ରକାର ‘ଓମିକ୍ରନ୍’ ଡରଉଛି ସମଗ୍ର ବିଶ୍ୱକୁ : ବିଭିନ୍ନ ଦେଶରେ ଲାଗିଲା ଯାତ୍ରା ଉପରେ ପ୍ରତିବନ୍ଧକ
ନୂଆଦିଲ୍ଲୀ : କୋଭିଡ -୧୯ ମହାମାରୀ ଆରମ୍ଭ ହେବାର ପ୍ରାୟ ଦୁଇ ବର୍ଷ ପରେ ବିଶ୍ୱରେ କରୋନାର ନୂତନ ପ୍ରକାର ଓମିକ୍ରୋନ ସହିତ ସାରା ବିଶ୍ୱ ଯୁଦ୍ଧ କରୁଥିବା ଜଣାପଡିଛି । ଏହି ପ୍ରକାରର କରୋନା ଭୂତାଣୁ ଟୀକା ଦ୍ୱାରା ପ୍ରଦାନ କରାଯାଇଥିବା ସୁରକ୍ଷାକୁ ବାଧା ଦେଇପାରେ । ବିଶ୍ୱ ସ୍ୱାସ୍ଥ୍ୟ ସଂଗଠନର ଏକ କମିଟି କରୋନା ଭାଇରସର ଏହି ନୂତନ ରୂପକୁ ‘ଓମିକ୍ରନ୍’ ଭାବରେ ନାମିତ କରିଛି ଏବଂ ଏହାକୁ ‘ଅତ୍ୟଧିକ ସଂକ୍ରାମକ ଚିନ୍ତାଜନକ ଫର୍ମ’ ବୋଲି କହିଛି । ଏହାପୂର୍ବରୁ ଏହି ବର୍ଗରେ କରୋନା ଭୂତାଣୁର ଡେଲ୍ଟା ଫର୍ମ ରହିଥିଲା, ଯେଉଁଥି ପାଇଁ ୟୁରୋପ ଏବଂ ଆମେରିକାର ଅନେକ ଅଞ୍ଚଳର ଲୋକମାନେ ବହୁ ପରିମାଣରେ ପ୍ରାଣ ହରାଇଥିଲେ ।
କରୋନା ଭୂତାଣୁର ନୂତନ ପ୍ରକାରର ଆବିର୍ଭାବ ହେତୁ, ବିଶ୍ଶ୍ୱର ବିଭିନ୍ନ ଦେଶ ଦକ୍ଷିଣ ଆଫ୍ରିକାର ଦେଶଗୁଡିକରୁ ନୂତନ ଫର୍ମର ବିସ୍ତାରକୁ ରୋକିବା ପାଇଁ ଯାତ୍ରା ଉପରେ ପ୍ରତିବନ୍ଧକ ଲଗାଉଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନର ପରାମର୍ଶ କ୍ରମେ ଅଷ୍ଟ୍ରେଲିଆ, ବ୍ରାଜିଲ, କାନାଡା, ଇରାନ, ଜାପାନ, ଥାଇଲ୍ୟାଣ୍ଡ, ଆମେରିକା, ୟୁରୋପୀୟ ୟୁନିଅନ ଦେଶ ଏବଂ ବ୍ରିଟେନ ସମେତ ଅନେକ ଦେଶ ଦକ୍ଷିଣ ଆଫ୍ରିକା ଦେଶରୁ ଯାତ୍ରା ଉପରେ ପ୍ରତିବନ୍ଧକ ଲଗାଇଛନ୍ତି । ଉଡ଼ାଣ କାର୍ୟ୍ୟ ବନ୍ଦ ହେବା ପରେ ମଧ୍ୟ ଏହି କରୋନାର ନୂତନ ପ୍ରକାର ଓମିକ୍ରୋନ ବିସ୍ତାର ହେବାର ପ୍ରମାଣ ମିଳୁଛି । ବେଲଜିୟମ, ଇସ୍ରାଏଲ୍ ଏବଂ ହଂକଂର ଯାତ୍ରୀମାନଙ୍କଠାରେ ନୂତନ ମାମଲା ରିପୋର୍ଟ ହୋଇଛି ।