ସମ୍ବଲପୁର : ଆଜି ଶଙ୍କର ମଠରେ ଚେତନା ନାଟ୍ୟ ଅନୁଷ୍ଠାନ ପକ୍ଷରୁ ପ୍ରଶାନ୍ତ ମାଝୀଙ୍କ ସମ୍ବଲପୁରୀ ନାଟକ ସଙ୍କଳନ ପଞ୍ଚମ ବେଦ ଉନ୍ମୋଚିତ ହେବା ସହ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଶ୍ୟାମସୁନ୍ଦର ଧର, ଡ. ପ୍ରଦୀପ ପଣ୍ଡା, ଡ. ଗୌରୀଦାସ ପଣ୍ଡା, ସହକାରୀ ପ୍ରାଧ୍ୟାପକ ଅଖିଳ ବିଶ୍ୱାଳ ପ୍ରମୁଖ ଅତିଥି ଭାବରେ ଯୋଗଦାନ କରିଥିଲେ । ଏହି ଅବସରରେ ସଂଗୀତ ନାଟକ ଏକାଡେମୀ ପୁରସ୍କାରପ୍ରାପ୍ତ ଲୋକ ଗୀତିକାର ବିନୋଦ ପଶାୟତ ଏବଂ ଲୋକବାଦ୍ୟ ଶିଳ୍ପୀ ଶଙ୍କର ପ୍ରଧାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ବିଶିଷ୍ଟ ଅଭିନେତା ସୁରେଶ ତ୍ରୀପାଠଙ୍କୁ ଚେତନା ନାଟ୍ୟ ସମ୍ମାନ ପ୍ରଦାନ କରାଯାଇଥିବା ବେଳେ ଯୁବ ଚିତ୍ରଶିଳ୍ପୀମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା । ଅନୁଷ୍ଠାନର ସଭାପତି ଅଶୋକ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପ୍ରବିଣ ମିଶ୍ର ସଂଯୋଜନା କରିଥିବା ବେଳେ ସଂପାଦକ ଶରତ ପାଢୀ ଧନ୍ୟବାଦ ଅର୍ପଣ କରିଥିଲେ । ଏହି ସଭାରେ ଅଂଚଳର କଳା ସାହିତ୍ୟ ସଂସ୍କୃତି ପ୍ରେମୀ ଉପସ୍ଥିତ ଥିଲେ ।