ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଖଣ୍ଡସିବାଞ୍ଜିଠାରେ ବରଗଡ଼ ଜିଲ୍ଲା ଶାଖା କାର୍ଯ୍ୟାଳୟ ଉଦଘାଟିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ପାରାୟଣ ଗାୟକ ନିଲାମ୍ବର ଦାଶ ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟାଳୟ ଉଦଘାଟନ କରିଥିଲେ । ସମ୍ବଲପୁରୀ ଭାଷା ଏକାଡେମୀର ଫାଉଣ୍ଡର ସଦସ୍ୟ ତଥା ବରଗଡ଼ ଜିଲ୍ଲା ସଂଯୋଜକ ପୌଲସ୍ତ୍ୟ ସାହାଙ୍କ ଉଦ୍ୟମରେ କାର୍ଯ୍ୟାଳୟ ସୁରୁ ଖୁରୁରେ ଗାଁର ଶିଶୁ ପ୍ରତିଭା ମାନଙ୍କ ଉପସ୍ଥିତିରେ ଉଦଘାଟିତ ହୋଇଯାଇଛି । ଏହି କାର୍ଯ୍ୟକ୍ରମରେ ଗାଁର ଆକାଶ ପାଣ୍ଡେ, ଗୌତମ ଦାସ, ମାନସ ଦାସ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ବାଟ୍ କଢ଼ୁଆଲ୍ ସମ୍ପାଦକ ସୁରେନ୍ଦ୍ର ମେହେର, ଦେବୀପ୍ରସାଦ ଭୋଇଙ୍କ ସମେତ ପଦ୍ମପୁର ପୂର୍ବତନ ବିଧାୟକ ତଥା ରାଜ୍ୟ କୃଷକ ମୋର୍ଚ୍ଚା ସଭାପତି ପ୍ରଦୀପ କୁମାର ପୁରୋହିତ ଶୁଭେଚ୍ଛା ଜଣାଇଥିଲେ । ଏହି ଅବସରରେ ସମସ୍ତଙ୍କୁ ମିଷ୍ଠାନ୍ନ ବଣ୍ଟନ କରାଯାଇଥିଲା । ପରିଶେଷରେ ସଂଯୋଜକ ଶ୍ରୀ ସାହା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।