ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଗାଇସିଲାଟ ବ୍ଳକ ଅନ୍ତର୍ଗତ ତାଲପାଲିଠାରେ କୋଭିଡ ସୁରକ୍ଷା ଉପକରଣ ବଣ୍ଟନ କରାଯାଇଛି । ପାଇକମାଳ ସ୍ଥିତ “ମାସ” ଅନୁଷ୍ଠାନ ଓ ଏଫଇଏସ୍ ଭୁବନେଶ୍ୱର ସହାୟତାରେ ଆସିଥିବା ଉପକରଣ ୩୦ଜଣ ଅଙ୍ଗନୱାଡି କର୍ମୀ ଓ ୩୦ ଜଣ ଆଶା କର୍ମୀ, ସ୍ୱାସ୍ଥ୍ୟ କର୍ମୀ, ଜନପ୍ରତିନିଧି, ସ୍ୱେଚ୍ଛାସେବୀମାନଙ୍କୁ ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ “ମାସ”ର ସଂଯୋଜକ ଆଦିକନ୍ଦ ବିଶ୍ୱାଳ ସଂଯୋଜନା କରିଥିଲେ । ଏଥିରେ ଡା. ପଂକଜ କୁମାର ଭୋଇ ମୁଖ୍ୟ ଅତିଥି ଭାବରେ ମଂଚାସିନ ଥିଲେ । ସମ୍ମାନିତ ଅତିଥି ଭାବରେ ଭିଏଡବ୍ଲ୍ୟୁ ନାରାୟଣ ପଧାନ, ସାମ୍ବାଦିକ ବିନାୟକ ପ୍ରସାଦ ଗୁରୁ, ସାମ୍ବାଦିକ ଝସକେତନ ସାହୁ ତାଲପାଲି ସରପଂଚ ସୁଶାନ୍ତ ସାହୁ, କନ୍ଦାଗାଡ ସରପଂଚ ପ୍ରମୋଦ ବରିହା ଜାମୁଟପାଲିର ସ୍ୱେଚ୍ଛାସେବି ଶେଷଦେବ ବରିହା ପ୍ରମୁଖ ମଂଚାସିନ ଥିଲେ ଓ ସାମଗ୍ରୀ ବଂଟନ କରିଥିଲେ । କାର୍ଯ୍ୟକ୍ରମରେ ଅନିଳ ସାହୁ, ବିବେକ ସାହୁ ଓ ରେବତୀ ରାଉତ ସହାୟତା କରିଥିଲେ ।