ରାଉରକେଲା, (ସସ୍ମିତା ପ୍ରଧାନ) : ଜଳ ପ୍ରଦଳଷଣକୁ ନିୟନ୍ତ୍ରଣ କରିବା ଉଦ୍ଦେଶ୍ୟରେ ଦେଶର ସର୍ବୋଚ୍ଚ ନ୍ୟାୟାଳୟ ଆଦେଶାନୁସାରେ ସମଗ୍ର ଭାରତରେ ପାର୍ବଣ ଋତୁରେ ଅନୁଷ୍ଠିତ ପୂଜାର୍ଚ୍ଚନା ସରିବା ପରେ ବିସର୍ଜନ କରିବା ପାଇଁ ଥିବା ଦେବା/ଦେବୀଙ୍କ ପ୍ରତିମା ଗୁଡିକୁ ସସମ୍ମାନେ ବିସର୍ଜନ ପାଇଁ କେତେକ ରାଜ୍ୟରେ ସରକାର କୁତ୍ରିମ ପୋଖରୀ ମାନ ନିର୍ମାଣ କରି ସେହିଠାରେ ହିଁ ବିସର୍ଜନ କାର୍ଯ୍ୟ ସମାପନ କରିଥାନ୍ତି । ଏହି କ୍ରମରେ ରାଉରକେଲା ଜିଲ୍ଲା ପ୍ରଶାସନ ମଧ୍ୟ ସ୍ଥାନୀୟ ବାଲୁଘାଟ ନିଜଟରେ ନଦୀ କୂଳରେ ଏକ ଅସ୍ଥାୟୀ ପୋଖରୀ ନିର୍ମାଣ କରିଛନ୍ତି । ବର୍ତ୍ତମାନ ସହରରେ ପାର୍ବଣର ଋତୁ ଚାଲୁଥିବାରୁ ଆସନ୍ତା ଦିନରେ ହେବାକୁ ଥିବା ବିଭିନ୍ନ ଦେବା ଦେବୀଙ୍କ ପ୍ରତିମା ବିସର୍ଜନକୁ ଦୃଷ୍ଟିରେ ରଖି ରଘୁନାଥପାଲ୍ଲୀ ବିଧାୟକ ତଥା ଜିଲ୍ଲା ଯୋଜନା ବୋର୍ଡ଼ର ଅଧକ୍ଷ ଶ୍ରୀ ତନ୍ତୀ ରାଉରକେଲା ମହାନଗର ନିଗମର ଅଧିକାରୀଙ୍କ ସହିତ ମିଶି ବାଲୁଘାଟ ଠାରେ ଥିବା ଅସ୍ଥାୟୀ ପୋଖରୀ ନିକଟକୁ ଯାଇ ସମସ୍ତ ବ୍ୟବସ୍ଥାର ନିରୀକ୍ଷଣ କରିବା ସହିତ ଉପସ୍ଥିତ ଥିବା ରାଉରକେଲା ମହାନଗର ନିଗମର ଅଧିକାରୀଙ୍କୁ ଆବଶ୍ୟକ ପରାମର୍ଶ ମଧ୍ୟ ଦେଇଥିଲେ ।