ରାଉରକେଲା, (ସସ୍ମିତା ପ୍ରଧାନ) : ଡିଏଭି ପବ୍ଲିକ ସ୍କୁଲ ବାସନ୍ତୀ ନଗରରେ ୭୬ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି । ସ୍କୁଲର ଅଧ୍ୟକ୍ଷ ଲୋକନାଥ ପ୍ରଧାନ ଓ ସହ ସଂଯୋଜକ ବିଜୟ କୁମାର ମିଶ୍ରଙ୍କ ତତ୍ତ୍ୱାବଧାନରେ ଛାତ୍ରଛାତ୍ରୀ ମାନଙ୍କ ପ୍ୟାରେଡ଼, ଜୁମ୍ବା ନାଚ, ମାସ୍ ଡ୍ରିଲ୍, “ବିଭିନ୍ନତା ଭିତରେ ଏକତା” ଶୀର୍ଷକ ନୃତ୍ୟ ପରିବେଷଣ ତଥା ମହାପୁରୁଷ ମାନଙ୍କ ବେଶରେ ଛାତ୍ରଛାତ୍ରୀ ମାନଙ୍କ ଦ୍ୱାରା ଭାଷଣ ପ୍ରସ୍ତୁତ କରାଯାଇଥିଲା । ଓଡ଼ିଆରେ ସାଇନା ନନ୍ଦ, ଇଂରାଜୀରେ ଆର୍ଯ୍ୟବ୍ରତ ବଳ, ହିନ୍ଦୀରେ ଆରାଧ୍ୟା ମିଶ୍ର ନିଜର ବକ୍ତବ୍ୟ ରଖିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଭାରତୀୟ ହକି ଦଳର ପ୍ରଶିକ୍ଷକ ବି.ଜେ. କରିପ୍ପା ଯୋଗ ଦେଇଥିଲେ । ଏହା ବ୍ୟତୀତ ପ୍ରଫେସର ଏସ୍. କେ. ପଟେଲ, ଆର୍. ଏନ୍. ମିଶ୍ର, ଡ. ସମୀର ପାତ୍ର, ଅଶୋକ ରାଉତ, ଶ୍ରୀମତୀ ମାନସୀ ପ୍ରଧାନ ଓ ଶ୍ରୀମତୀ ମଞ୍ଜୁଶ୍ରୀ ପାଣିଗ୍ରାହୀ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିଲେ । ମୁଖ୍ୟ ଅତିଥି କୃତି ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ । ଏଥିରେ ବିଦ୍ୟାଳୟର କ୍ରୀଡା ଶିକ୍ଷକ ଦୁଷ୍ମନ୍ତ ବେହେରା ଓ ଶ୍ରୀମତୀ ମିନତୀ ପାତ୍ରଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା ।