ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଗୌଡ଼ଗୋଠ ସ୍ଥିତ ଆଞ୍ଚଳିକ ଶୁଲିଆ ବୁଢ଼ା କଲେଜରେ ଜାତୀୟ ତମାଖୁ ନିୟନ୍ତ୍ରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କଲେଜ୍ ଅଧ୍ୟକ୍ଷ ଆନନ୍ଦ ରଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପିଏଚ୍ଇଓ ସ୍ନେହଲତା ସାହୁ, ସମ୍ମାନିତ ଭାବେ ଏନ୍ସିଡ଼ି କୋଡିନେଟର ଅର୍ଚ୍ଚନା ଆଚାର୍ଯ୍ୟ, ଏମ୍ପିଏଚ୍ଏସ୍ ହୃଷୀକେଶ ଦାସ ପ୍ରମୁଖ ଉପସ୍ଥିତ ଥିଲେ । ଏହି ପରିପେକ୍ଷିରେ ଅନୁଷ୍ଠାନର ଉପସ୍ଥିତ ଛାତ୍ରଛାତ୍ରୀ ଓ କର୍ମଚାରୀଙ୍କୁ ଅଞ୍ଚଳକୁ ତମାଖୁ ମୁକ୍ତ ରଖିବା ପାଇଁ ସଚେତନ କରାଇଥିଲେ । ଛାତ୍ରଛାତ୍ରୀ ମଧ୍ୟରେ ତମାଖୁର ଅପକରିତା ବିଷୟରେ ବକୃତା କାର୍ଯ୍ୟକ୍ରମ ହୋଇଥିଲା । ଏହି ପ୍ରତିଯୋଗିତାରେ ନିଲାକ୍ଷୀ ସୁନା, ମାନସ ସାହୁ, ଚୁନି ରଣା ଯଥାକ୍ରମେ ୧ମ, ୨ୟ, ୩ୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ ।