ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ସ୍ଥିତ କଅସର ପଡା ରେଲୱେ ଫାଟକ ପାଖରେ ଜଣେ ଯୁବକ ଟ୍ରେନ ଲାଇନରେ କଟି ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତ ଯୁବକ ସୁରଜ କୁମାର ମହାନନ୍ଦ ଓରଫ ଗୁଡ଼ୁ (୨୨) ଗ୍ରାମ କନ୍ଦକେଲଗାଁ ପଞ୍ଚାୟତ ଋଣୀମହୁଲ ବୋଲି ଜଣାପଡିଛି । ପ୍ରକାଶ ଯେ, ଗତ ସନ୍ଧ୍ୟାରେ ସମ୍ବଲପୁର-ରାୟଗଡ଼ା ଇଣ୍ଟରସିଟି ଟ୍ରେନ ନମ୍ବର ୧୮୩୦୨ ଯୋଗେ ସମ୍ବଲପୁର ଅଭିମୁଖେ ଯାଉଥିବା ବେଳେ କଅସର ପଡା ବ୍ରିଜଠାରେ ସୁରଜ ନାମକ ଜୈନିକ ଯୁବକ ଆତ୍ମହତ୍ୟା କରିଥିବା ଜଣାପଡିଛି । ଘଟଣା ଖବର ପାଇଁ ବଲାଙ୍ଗିର ରେଲୱେ ପୋଲିସ ଏଏସ୍ଆଇ ହେମନ୍ତ ପ୍ରସାଦ ପ୍ରଧାନଙ୍କ ତତ୍ତ୍ୱାବଧାନରେ କନେଷ୍ଟବଳ କଳାକାର କାଳୁ ପହଂଚି ଶବକୁ ଜବତ କରି କେସ୍ ନଂ ୦୯/୨୪ ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ବଲାଙ୍ଗିର ମେଡିକାଲକୁ ପଠାଯାଇଛି । ଏନେଇ ପୋଲିସ ପରିବାର ଲୋକଙ୍କୁ ଶବ ହସ୍ତାନ୍ତର କରିଥିବା ବେଳେ ସୁରଜ ଏକ କୋଣସି ରୋଗରେ ପୀଡିତ ଥିଲେ ଯାହା ଫଳରେ ଆତ୍ମହତ୍ୟା କରିଥିବା ଏଏସ୍ଆଇ ଶ୍ରୀ ପ୍ରଧାନ ସୂଚନା ଦେଇଥିଲେ । ଏନେଇ ରେଲୱେ ପୋଲିସ ଘଟଣାର ଅଧିକ ତଦନ୍ତ ଚଲାଇଥିବା ଜଣାପଡିଛି ।