ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଡେଲାଙ୍ଗ ବ୍ଲକ ସିଂହବ୍ରହ୍ମପୁର ପଞ୍ଚାୟତର ଉତ୍କଳ ଗୌରବ ବିଦ୍ୟାନିକେତନର କୃତି ଛାତ୍ରୀଙ୍କ ଆନ୍ଧ୍ରପ୍ରଦେଶ ଯାତ୍ରା । ଜାତୀୟସ୍ତରୀୟ କବାଡି ପ୍ରତିଯୋଗିତା ପାଇଁ ୨୮/୦୧/୨୦୨୪ ଠାରୁ ୦୧/୦୨/୨୦୨୪ ପର୍ୟ୍ୟନ୍ତ ଆନ୍ଧ୍ରପ୍ରଦେଶର କଡପା ଠାରେ ପ୍ରତିଯୋଗୀ ଭାବେ ଅଂଶଗ୍ରହଣ କରିବେ। ୨ ଜଣ ଛାତ୍ରୀ ମୋନାଲିସା ପ୍ରଧାନ ଓ ନିଶା କୁମାରୀ ଜେନା ୨୬/୦୧/୨୦୨୪ ରେ ଆନ୍ଧ୍ରପ୍ରଦେଶ ଯାତ୍ରା କରିବେ । କ୍ରୀଡା ପ୍ରଶିକ୍ଷଣ ଶିକ୍ଷକ ପୁରୁଷୋତ୍ତମ ମୁଦୁଲି ଏନେଇ ସୂଚନା ଦେଇଛନ୍ତି । ବିଦ୍ୟାଳୟରେ ସମ୍ବର୍ଦ୍ଧନା ଉତ୍ସବରେ ଯୋଗ ଦେଇଥିଲେ ପ୍ରଧାନ ଶିକ୍ଷକ ବସନ୍ତ ଦାସ, ସରପଞ୍ଚ ରଶ୍ମିତା ବେହେରା, ଏକ୍ସ ସରପଞ୍ଚ ଭାଗିରଥି ପ୍ରଧାନ, ସମିତି ସଭ୍ୟ ନରେନ୍ଦ୍ର ପ୍ରଧାନ ଓ ସମସ୍ତ ଶିକ୍ଷକ ଶିକ୍ଷୟତ୍ରୀ ଏବଂ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ । ଓଡିଶା ପାଇଁ ଗୌରବ ଆଣିବାକୁ ୨ ଛାତ୍ରୀ ଉଚ୍ଚ ମାତ୍ରାରେ ଆଶା ରଖିଛନ୍ତି ।