ବଣାଇ, (ମହମ୍ମଦ ହବିବ ଖାନ) : ଆଜି ବଣାଇ ରଜାମୁଣ୍ଡା, ନରେନ୍ଦ୍ର କଲେଇ ପୋଷ, କୋଇଡା, କାଲଟା ଆଦି ସ୍ଥାନ ଗୁଡିକରେ ହଜାର ହଜାର ଟ୍ରକ କାଲିଠାରୁ ଠିଆ ହୋଇଥିବା ବେଳେ ଆଜି ବଣାଇସାରା ବସ ଚଳାଚଳ ବନ୍ଦ ଅଛି । କେନ୍ଦ୍ର ସରକାରଙ୍କ ହିଟ୍ ଆଣ୍ଡ ରନ୍ ନିୟମକୁ ବିରୋଧ କରି ଡ୍ରାଇଭରମାନେ ଷ୍ଟିଅରିଙ୍ଗ ଛାଡ଼ ଆନ୍ଦୋଳନକୁ ଓହ୍ଲାଇଛନ୍ତି । ବସ ଚଳାଚଳ ବନ୍ଦ ହେବାରୁ ଯାତ୍ରୀ ଗନ୍ତବ୍ୟ ସ୍ଥଳକୁ ଯାଇ ନପାରି ହଇରାଣ ହେଉଥିବା ପରିଲକ୍ଷିତ ହେଉଛି । ଗାଡି ଚାଳକ ସରକାରଙ୍କ କଳା କାନୁନ ପ୍ରତ୍ୟାହାର ନ ହେଲା ଯାଏ କୌଣସି ପରିସ୍ଥିତିରେ ଷ୍ଟିଅରିଙ୍ଗ ନଧରିବାର ଜିଦରେ ଅଟଳ ରହିବେ ବୋଲି ସ୍ଥାନୀୟ ଡ୍ରାଇଭର ସଙ୍ଘ କର୍ମକର୍ତ୍ତା ଦମ୍ଭୋକ୍ତି କରିଛନ୍ତି ।