କଳାହାଣ୍ଡି, (ଶୁଭେନ୍ଦୁ କୁମାର ପଣ୍ଡା) : ଭବାନୀପାଟଣା ସଦର ଥାନା ଅନ୍ତର୍ଗତ ମୁସିଗୁଡା ଆଦର୍ଶ ବିଦ୍ୟାଳୟ ନିକଟରେ ମଙ୍ଗଳବାର ଦିନ ଅପରାହ୍ନରେ ଲକ୍ଷ୍ମୀ ବସ୍ ଧକ୍କାରେ ଜଣେ ବାଇକ୍ ଆରୋହୀ ମୃତ୍ୟୁବରଣ କରିଥିବା ବେଳେ ଅନ୍ୟଜଣେ ଆହତ ହୋଇଛନ୍ତି । ମୃତକ ଜଣକ ହେଲେ ରୋହନ ନାଗ (୧୯) । ସେ ଭବାନୀପାଟଣା ନିକଟସ୍ଥ ସିର୍ଲିଗୁଡ଼ା ଗ୍ରାମର ବୋଲି ଜଣାପଡିଛି । ଏହି ଦୁର୍ଘଟଣାରେ ଆହତ ବାଦଲ ନାଏକଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେ ଦୁହେଁ ଏକ ବାଇକରେ ନିଜ ଗାଁରୁ ବାହାରି ଭବାନୀପାଟଣା ଥୁଆମୂଳ ରାମପୁର ମୁଖ୍ୟ ରାସ୍ତାକୁ ଆସିବା ବେଳେ ଯୁଗସାଇପାଟଣାରୁ ଭବାନୀପାଟଣା ଫେରୁଥିବା ଲକ୍ଷ୍ମୀ ବସ୍ ସହ ଧକ୍କା ହୋଇଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି । ସଦର ଥାନାରେ ଲକ୍ଷ୍ମୀ ବସ୍ ଚାଳକ ଲକ୍ଷ୍ମଣ ନାଏକଙ୍କୁ ଅଟକ ରଖାଯାଇଥିବା ସୂଚନା ମିଳିଛି ।