ବଲାଙ୍ଗିର, (କେପିଏନ୍ଏସ୍) : ୨୬ ନଂ ଜାତୀୟ ରାଜପଥ ବଲାଙ୍ଗିର-ଟିଟିଲାଗଡ ରାସ୍ତାରେ ହୋଟେଲ୍ ମେନେଜ୍ମେଣ୍ଟ ପାଖରେ ଗୋଟିଏ ଗୋରୁ କୌଣସି ଅଜଣା ଗାଡି ଧକ୍କାରେ ଦୀର୍ଘ ଦୁଇ ତିନି ଦିନ ହେବ ଲହୁଲୁହାଣ ଅବସ୍ଥାରେ ପଡି ରହିଥିବାର ଦେଖିବାକୁ ମିଳିଥିଲା । ସମାଜସେବୀ ଅଜୟ କୁମାର ନାଗ, ଶ୍ରୀକାନ୍ତ ବାଗ, ପ୍ରଶାନ୍ତ ସୁନା ଓ ରାଜୀବ ଭାଇଙ୍କ ନେତୃତ୍ଵ ଓ ରାସ୍ତାରେ ଯାଉଥିବା କିଛି ବ୍ୟକ୍ତିଙ୍କ ସହଯୋଗରେ ଆହତ ଗୋରୁଙ୍କୁ ଏକ ଟାଟା ପିକ୍ଅପ୍ ଭେନ ଗାଡି ସାହାଯ୍ୟରେ ଉଦ୍ଧାର କରି ସ୍ଥାନୀୟ ପଶୁ ଚିକିତ୍ସାଳୟରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି । ପ୍ରତ୍ୟହ ନିରୀହ ପଶୁମାନେ ଏହିପରି ଅଜଣା ଗାଡି ଦ୍ୱାରା ଦୁର୍ଘଟଣାର ଶିକାର ହେଉଥିବାର ଦେଖିବାକୁ ମିଳୁଥିବା ବେଳେ ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ପ୍ରଶାସନ ନିକଟରେ ନିବେଦନ କରିଛନ୍ତି ସମାଜସେବୀ ଅଜୟ କୁମାର ନାଗ ।