ରାଉରକେଲା, (ସସ୍ମିତା ପ୍ରଧାନ) : ଅଗ୍ରଣୀ ମହିଳା ସଂଗଠନ ଲେଡି ଲାୟନ ତରଫରୁ ରାଉରକେଲା କ୍ଲବଠାରେ କିମ୍ବଦନ୍ତୀ ଗାୟକ କିଶୋର କୁମାରଙ୍କ ୯୪ତମ ଜୟନ୍ତୀ ପାଳନ ସହିତ ସେ କଣ୍ଠଦାନ କରିଥିବା ଗୀତ ଗୁଡିକ ଗାୟନ କରାଯାଇଥିଲା । ଅନୁଷ୍ଠାନର ଅଧ୍ୟକ୍ଷା ବନ୍ଦିତା ମହନ୍ତଙ୍କ ସଭାପତିତ୍ୱ ଓ ସାଧାରଣ ସଂପାଦିକା ସ୍ନେହଲତା ଗନ୍ତାଘରିଆଙ୍କ ଆବାହକତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ସିଆଇଏସ୍ଏଫ୍ର କମାଣ୍ଡାଣ୍ଟ ଅଶୋକ ଜାଲୱାନିଆ ଓ ସମ୍ମାନିତ ଅତିଥି ଭାବେ ସମାଜସେବୀ ଶ୍ରୀମତୀ ତଥା ଜିତେନ୍ଦ୍ର ପ୍ରସାଦ, ଅଶୋକ କକ୍କଡ, ଅଞ୍ଜୁ କକ୍କଡ, ରାହୁଲ ମହାନ୍ତି, କେତକୀ ଭଟ୍ଟାଚାର୍ଯ୍ୟ, କେ କେ ବର୍ମା, ସସ୍ମିତା ପ୍ରଧାନ ଓ ରେଖା ଗୁପ୍ତା ପ୍ରମୁଖ ଯୋଗଦେଇ ଅନୁଷ୍ଠାନର କାର୍ଯ୍ୟକ୍ରମକୁ ପ୍ରଶଂସା କରିବା ସହ ମହିଳାଙ୍କ ସଶକ୍ତିକରଣ ଉପରେ ବକ୍ତବ୍ୟ ରଖିଥିଲେ । ଏହି ଅବସରରେ ମୁଖ୍ୟଅତିଥି ଶ୍ରୀ ଜାଲୱାନିଆ ଓ ଏଭରଗ୍ରୀନ ମେଲୋଡି ଟିମ୍ ତରଫରୁ କିଶୋର କୁମାରଙ୍କ ମନଛୁଆଁ ଗୀତ ଗୁଡିକୁ ପରିବେଷଣ କରିଥିଲେ । କାର୍ଯ୍ୟକ୍ରମରେ ଲେଡିଲାୟନର ସମସ୍ତ କର୍ମକର୍ତ୍ତା ମାନେ ସହଯୋଗ କରିଥିବା ବେଳେ ବହୁ ସଂଖ୍ୟାରେ କିଶୋର ପ୍ରେମୀମାନେ ଉପସ୍ଥିତ ଥିଲେ । ଶେଷରେ ରେଖା ଗୁପ୍ତା ଧନ୍ୟବାଦ ଅର୍ପଣ କରିଥିଲେ ।