ଅବସରପ୍ରାପ୍ତ ଶିକ୍ଷକ ଭଗବାନ ନାଏକଙ୍କୁ ଅବସରକାଳୀନ ସମ୍ବର୍ଦ୍ଧନା

ପାଟଣାଗଡ, (ସଦାଶିବ ସରାଫ) : ପାଟଣାଗଡ ଶିକ୍ଷକ ଭବନଠାରେ ଅବସରପ୍ରାପ୍ତ ଶିକ୍ଷକ ଭଗବାନ ନାଏକଙ୍କୁ ୨୦୦୧ ମସିହାରେ ନିଯୁକ୍ତ ଶିକ୍ଷକମାନଙ୍କ ତରଫରୁ ଅବସରକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି । ୨୦୦୧ ମସିହାରେ ନିଯୁକ୍ତ ଭଗବାନ ନାଏକ ଜଣେ ଆଦର୍ଶ ଓ ଛାତ୍ର ବତ୍ସଳ ଶିକ୍ଷକ ଅଟନ୍ତି । ଉଲବା ଉଚ୍ଚ ବିଦ୍ୟାଳୟରେ ଅନେକ ବର୍ଷ ପ୍ରଧାନ ଶିକ୍ଷକ ଭାବେ ଦାୟିତ୍ୱ ତୁଳାଇବା ପରେ ପ୍ରାଥମିକ ଶିକ୍ଷକ ଭାବରେ ଖପ୍ରାଖୋଲ ବ୍ଲକରେ ଯୋଗଦାନ କରିଥିଲେ । ଆଜିକାର କାର୍ଯ୍ୟକ୍ରମରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରତନ ଧରୁଆ ଅତିଥି ଭାବେ ଯୋଗ ଦେଇଥିଲେ । କୁନି ପଟ୍ଟନାୟକ, ଜୟଦେବ ସୁନା, ଗୋବିନ୍ଦ ମେହେର, ଦୀପକ କୁମାର ସାହୁ, ଲାଲଚନ ବଗର୍ତ୍ତୀ, ଘନଶ୍ୟାମ ମେହେର, ତପସ୍ୱିନୀ ମୁଗ୍ରୀ, ଲାଲମନ ଲୁହା ତଥା ୨୦୦୧ରେ ନିଯୁକ୍ତ ପାଟଣାଗଡ ବ୍ଲକର ସମସ୍ତ ନୂତନ ପେନ୍‌ସନ୍‌ ଯୋଜନାଭୁକ୍ତ ଶିକ୍ଷକ ଯୋଗ ଦେଇଥିଲେ । ଶେଷରେ ଶିକ୍ଷକ ବିରଞ୍ଚି ମହଲା ଧନ୍ୟବାଦ ଅର୍ପଣ କରିଥିଲେ ।