ପାଟଣାଗଡ, (କେପିଏନ୍ଏସ୍) : ପାଟଣାଗଡ ବ୍ଲକ ପଣ୍ଡାମୁଣ୍ଡା ଛକଠାରେ ସେହି ଗାଁର ଶ୍ରୀବନ୍ତ ପାଣିଗ୍ରାହୀ ଓରଫ ପିଣ୍ଟୁଙ୍କୁ ମାରଣାନ୍ତକ ଆକ୍ରମଣ ହୋଇଥିବା ଅଭିଯୋଗରେ ଗତକାଲି ପୋଲିସ ୨ ଜଣଙ୍କୁ ଗିରଫ କରିଥିବା ଜଣାପଡିଛି । ଗିରଫ ୨ ଜଣ ସୁଦାମ ମେହେର(୪୦) ଓ ପାଣ୍ଡବ ପଧାନ(୩୮) ବୋଲି ଜଣାପଡିଛି । ପୋଲିସଠାରୁ ମିଳିଥିବା ସୂଚନା ଅନୁସାରେ ପିଣ୍ଟୁ ନିଜ ଗାଁକୁ ଯାଉଥିବା ବେଳେ ସୁଦାମ ମେହେର ଓ ପାଣ୍ଡବ ପଧାନ ଛକରେ ଅଟକାଇ ତାଙ୍କୁ ଆକ୍ରମଣ କରିଥିଲେ । ଏନେଇ ପିଣ୍ଟୁ ପାଟଣାଗଡ ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ପାଟଣାଗଡ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ଏସ୍ଆଇ ବି.କେ. ପଣ୍ଡା କହିଛନ୍ତି ।