centurian jitm

ଟ୍ରକରେ ଲାଗିଲା ନିଆଁ, ଡ୍ରାଇଭର ଜୀବନ୍ତ ଦଗ୍ଧ

ପରଜଙ୍ଗ : ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ୫୩ ନଂ ଜାତୀୟ ରାଜପଥର ବାରିହାପୁର ଆଦର୍ଶ ବିଦ୍ୟାଳୟ ନିକଟରେ ସୋମବାର ସଂଧ୍ୟାରେ ଟ୍ରକ ସହିତ ଡ୍ରାଇଭର ଜୀବନ୍ତ ଦଗ୍ଧ ହୋଇଯାଇଛନ୍ତି । ତାଳଚେରରୁ ଡୁବୁରି ଯାଉଥିବା (ଓଡ଼ି ୩୫ ସି ୦୪୩୬) କୋଇଲା ବୋଝେଇ ଟ୍ରକଟି ବାରିହାପୁର ଆଦର୍ଶ ବିଦ୍ୟାଳୟ ନିକଟରେ ଦୁର୍ଘଟଣା ଗ୍ରସ୍ତ ହୋଇଥିଲା । ଆଦର୍ଶ ବିଦ୍ୟାଳୟ ନିକଟରେ ଭାରସାମ୍ୟ ହରାଇ ରାସ୍ତା କଡକୁ ଖସି ପଡିବା ପରେ ଟ୍ରକରେ ହଠାତ୍ ନିଆଁ ଲାଗି ଯାଇଥିଲା । କିଛିକ୍ଷଣ ମଧ୍ୟରେ ଟ୍ରକଟି ହୁତୁହୁତୁ ହୋଇ ଜଳି ଯାଇଥିଲା । ଅଗ୍ନିକାଣ୍ଡରେ ଗାଡିର ଚାଳକଙ୍କ ଜୀବନ୍ତ ଦଗ୍ଧ ହୋଇଯାଇଛି । ଖବରପାଇ ପରଜଙ୍ଗ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ବେଳେ ମୃତ ଚାଳକଙ୍କ ପରିଚୟ ମିଳିପାରିନାହିଁ । ପୁଲିସ୍ ଘଟଣାର ଅନୁସନ୍ଧାନ ଚଳାଇଛି ।

Leave A Reply

Your email address will not be published.