ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର କେନ୍ଦୁପତ୍ର ଡିଏଫ୍ଓ ରଞ୍ଜିତ ମଲ୍ଲିକଙ୍କ ଆନୁକୂଲ୍ୟରେ କେନ୍ଦୁପତ୍ର ତେଳାଳି ଓ ବନ୍ଧାଳି କଲ୍ୟାଣ ପାଣ୍ଠିରୁ ମୃତ୍ୟୁକାଳୀନ ସହାୟତା ରାଶି ପାଇଥିବା ହିତାଧିକାରୀମାନଙ୍କୁ ୨ ଲକ୍ଷ ଟଙ୍କା ଲେଖାଏଁ ଚେକ୍ ବଣ୍ଟନ କରାଯାଇଥିଲା । ବଲାଙ୍ଗିର କେନ୍ଦୁପତ୍ର ରେଞ୍ଜର ୪ ଜଣ, ତରଭା ଓ ଝାରବନ୍ଧଲି ରେଞ୍ଜର ଜଣେ ଲେଖାଏଁ ଏମିତି ୬ ଜଣ ହିତାଧିକାରୀଙ୍କୁ ଚେକ୍ ବଣ୍ଟନ କରାଯାଇଥିଲା । ବଲାଙ୍ଗିର ଜିଲ୍ଲାପାଳ ମୁଖ୍ୟ ଅତିଥି, ବଲାଙ୍ଗିର ଏସ୍ପି ଏବଂ ଡିଏଫ୍ଓ ଟେରିଟୋରିଆଲ ସମ୍ମାନିତ ଅତିଥି ଓ ପ୍ରଦୀପ୍ତ କୁମାର ମହାପାତ୍ର ସିସିଏଫ୍ କେନ୍ଦୁଲିଫ୍ ମୁଖ୍ୟବକ୍ତା ଉପଭୋକ୍ତମାନଙ୍କୁ ଚେକ୍ ପ୍ରଦାନ କରିଥିଲେ । ସୁଧିର କୁମାର ତ୍ରିପାଠୀ କାର୍ଯ୍ୟକ୍ରମର ପରିଚାଳନା କରିଥିଲେ । ମନୋଜ ସିକ୍କା ଏସିଏଫ୍ ଧନ୍ୟବାଦ ପ୍ରଦାନ କରିଥିବା ସ୍ଥଳେ ସୂର୍ଯ୍ୟ ବେଜ୍, ବଲାଙ୍ଗିର ରେଞ୍ଜ ଅଫିସର ଧନଜିଲାଲ ମୁଗ୍ରୀ, ରାଜିବ ସାହୁ ଓ ଅନ୍ୟମାନେ କାର୍ଯ୍ୟକ୍ରମରେ ସହଯୋଗ କରିଥିଲେ ।