ପାଟଣାଗଡ଼, (କେପିଏନ୍ଏସ୍) : ପାଟଣାଗଡରେ ହକି ବିଶ୍ଵ କପ୍ ପାଇଁ ମିନି ମାରାଥନ ରେସ୍ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମଟି ପାଟଣାଗଡରୁ ଆରମ୍ଭ ହୋଇ ଉଲବା ଗ୍ରାମର ହାଇସ୍କୁଲ ଖେଳ ପଡିଆଠାରେ ସମ୍ପୂର୍ଣ୍ଣ ହୋଇଥିଲା । ଏହି କାର୍ଯ୍ୟକ୍ରମକୁ ପାଟଣାଗଡ ବିଧାୟକ ତଥା ଉପମୁଖ୍ୟ ସଚେତକ ସରୋଜ ମେହେର, ଉପଜିଲ୍ଲାପାଳ ଡ଼. ବିଜୟାନନ୍ଦ ସେଠି ଉଦ୍ଘାଟନ କରିଥିବା ବେଳେ ପାଟଣାଗଡ, ବେଲପଡା, ଖପ୍ରାଖୋଲ ବ୍ଲକର ତସିଲଦାର ଏନ୍ଏସି କାର୍ଯ୍ୟନିର୍ବାହୀ ଅଧିକାରୀ ଓ ଉପାଧ୍ୟକ୍ଷ ପ୍ରଫୁଲ୍ଲ କୁମାର ମେହେର ଉପସ୍ଥିତ ରହି ନିଜ ନିଜ ବକ୍ତବ୍ୟ ରଖିଥିଲେ । ଏହି କାର୍ଯ୍ୟକ୍ରମରେ ସ୍ଥାନୀୟ କଲେଜ ଛାତ୍ରଛାତ୍ରୀ ଓ ଯୁବ ବର୍ଗ ସାମିଲ ଥିଲେ ।
