ଫିଫା ବିଶ୍ୱକପ୍ ଚାମ୍ପିଅନ୍ ଆର୍ଜେଣ୍ଟିନା ଦଳ ଏବଂ ଅଧିନାୟକ ଲିଓନେଲ୍ ମେସିଙ୍କୁ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଟ୍ୱିଟ୍ କରି ଫିଫା ବିଶ୍ୱକପ୍ ଚାମ୍ପିଅନ୍ ଆର୍ଜେଣ୍ଟିନା ଦଳ ଏବଂ ଅଧିନାୟକ ଲିଓନେଲ୍ ମେସିଙ୍କୁ ଶୁଭେଚ୍ଛା ଜଣାଇଛନ୍ତି । ସେ ଲେଖିଛନ୍ତି, ଏହା (ଆର୍ଜେଣ୍ଟିନା-ଫ୍ରାନ୍ସ ଫାଇନାଲ୍ ମ୍ୟାଚ୍) ସବୁଠୁ ରୋମାଞ୍ଚପୂର୍ଣ୍ଣ ଫୁଟବଲ୍ ମ୍ୟାଚ୍ ଭାବେ ସ୍ମରଣୀୟ ହୋଇ ରହିବ । ଚାମ୍ପିଅନ୍ ଆର୍ଜେଣ୍ଟିନା ଦଳକୁ ମୋର ଶୁଭେଚ୍ଛା । ଆର୍ଜେଣ୍ଟିନା ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟରେ ଉଚ୍ଚକୋଟୀର ପ୍ରଦର୍ଶନ କରିଥିଲା । ଆର୍ଜେଣ୍ଟିନା ଓ ମେସିଙ୍କ ବିଶ୍ୱ ଟାଇଟଲ୍ ବିଜୟରେ ଲକ୍ଷାଧିକ ଭାରତୀୟ ପ୍ରଶଂସକଙ୍କୁ ଖୁସି ପ୍ରଦାନ କରିଛି ।’ ସେହିପରି ପ୍ରଧାନମନ୍ତ୍ରୀ ଆଉଏକ ଟ୍ୱିଟ୍ କରି ଫ୍ରାନ୍ସର ଲଢ଼ୁଆ ପ୍ରଦର୍ଶନକୁ ଭୂୟସୀ ପ୍ରଶଂସା କରିଛନ୍ତି ।