ପାଟଣାଗଡ, (ଗୋରେଖନାଥ ବରିହା) : ବଲାଙ୍ଗିର ଜିଲ୍ଲା ପାଟଣାଗଡ ବ୍ଲକ ଅନ୍ତର୍ଗତ ଭଇଁଷା ଠାରେ ଯାଦବ ସମାଜ ନୂଆଁଖାଇ ଭେଟ୍ଘାଟ୍ ଓ ମହାସଭା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ବ୍ଲକ ଯାଦବ ସଭାପତି ଜଗନ୍ନାଥ ଖର୍ସେଲଙ୍କ ଅଧ୍ୟକ୍ଷତାରେ ଆୟୋଜିତ ଏହି ବୈଠକରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଯବାନ ହରିଚନ୍ଦନ ସୁନାନି ପାଟଣାଗଡ ପୌର ପରିଷଦର ଯାଦବ ସମାଜ ସଭାପତି ରାମଚନ୍ଦ୍ର ବାଗ ଓ ୟୌତୁକ ଘିବେଲା ଏବଂ ୩୦ ଗୋଟି ପଞ୍ଚାୟତର ସଭାପତି, ସମ୍ପାଦକ ଓ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ରହି ନୂଆଁଖାଇ ଭେଟ୍ଘାଟ୍ ଓ ମହାସଭା ଉପରେ ଆଲୋଚନା କରିଥିଲେ । ଏହି ଅବସରରେ ପାଟଣାଗଡ଼ ବ୍ଲକ ଯୁବ ଯାଦବ ସମାଜ ସଭାପତି ହରିଚନ୍ଦନ ସୁନାନିଙ୍କୁ ସର୍ବସମ୍ମତି କ୍ରମେ ଚୟନ କରାଯାଇଥିଲା । ଏଥିରେ ଯାଦବ ସମାଜ କର୍ମକର୍ତ୍ତା ଯୋଗଦେଇ ଥିଲେ ।