ନିଖୋଜ ମହିଳାଙ୍କ ମୃତଦେହ ଉଦ୍ଧାର

ସୋର : ସିମୁଳିଆ ଥାନା ପାହିତୋରଣା ପଞ୍ଚାୟତ ଦୋରା ଗ୍ରାମରୁ ନିଖୋଜ ଥିବା ମହିଳାଙ୍କର ବାଲି ବସ୍ତାରେ ହାତ ଗୋଡ଼ ବନ୍ଧା ଅବସ୍ଥାରେ ମୃତଦେହକୁ ଉଦ୍ଧାର କଲେ ଗ୍ରାମବାସୀ । ମୃତ ମହିଳା କୁନୁ ଲତା ନାୟକ ବୋଲି ଜଣାପଡିଛି । କୁନୁ ନିଖୋଜ ହେବା ପରଠାରୁ ସ୍ୱାମୀ ଧନେଶ୍ୱର ନାୟକ ଫେରାର ଥିବା ନେଇ ପୋଲିସ ପକ୍ଷରୁ ସୂଚନା ମିଳିଛି । ସୂଚନା ଅନୁସାରେ ଭଦ୍ରକ ଜିଲ୍ଲା ଘଣ୍ଟେଶ୍ୱର ଅଂଚଳର ଧନେଶ୍ୱର ସିମୁଳିଆ ଥାନା ବାଲିମେଧ ଗାଁରୁ ୧୭ ବର୍ଷ ତଳେ ପ୍ରେମ ବିବାହ କରି ଦୋରା ଗ୍ରାମରେ ସ୍ୱାମୀ ସ୍ତ୍ରୀ ଓ ଦୁଇ ପୁଅ ସହିତ ରହି ଆସୁଥିଲେ । ତେବେ କୁନୁଙ୍କ ଶବ ଉଦ୍ଧାର ପରେ ତାଙ୍କ ଭାଇ ସିମୁଳିଆ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାର ତଦନ୍ତ କରୁଥିବା ଜଣାପଡିଛି ।