ରାଉରକେଲା, (ସସ୍ମିତା ପ୍ରଧାନ) : ସେକ୍ଟର ୯ରେ ଥିବା ବିକାଶ ସ୍କୁଲର ମୁଖ୍ୟ ଫାଟକ ଅଚାନକ ଭୁଶୁଡି ପଡିବା ଯୋଗୁଁ ଜଣେ ସିକ୍ୟୁରିଟି ଗାର୍ଡଙ୍କ ସମେତ ଦୁଇ ଜଣଙ୍କର ମୃତ୍ୟୁ ଘଟିଛି । ମୃତ ବ୍ୟକ୍ତି ଦ୍ୱୟ ହେଲେ ହମିରପୁରର ଗାନ୍ଧୀରାମ ରାଉତ (୫୬) ଓ ସୁରଜ ଚୌଧୁରୀ (୧୮)। ଲୁହା ଗେଟ୍ ପଡିଯିବାରୁ ଘଟଣା ସ୍ଥଳରେ ଗାନ୍ଧୀରାମଙ୍କ ମୃତ୍ୟୁ ଘଟିଥିବା ବେଳେ ଗୁରୁତର ଥିବା ସୁରଜଙ୍କ ହସପିଟାଲରେ ମୃତ୍ୟୁ ଘଟିଛି । ଏହି ଘଟଣା ପରେ ସ୍କୁଲ ନିକଟରେ ଉତ୍ତେଜନା ପ୍ରକାଶ ପାଇଥିଲା । ସେକ୍ଟର ୭ ଥାନା ପୁଲିସ ଏଏସଆଇ ପି କେ ଧଳ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି ।