ଦେଓଗାଁ : ଦେଓଗାଁ ବ୍ଲକ ଗୁଡଖାପଲା ପଞ୍ଚାୟତ ପଦରପଡିଆରେ ଟାଇଗର କ୍ରିକେଟ କ୍ଲବ ଆନୁକୂଲ୍ୟରେ ଚାଲିଥିବା କ୍ରିକେଟ ପ୍ରତିଯୋଗିତା ରବିବାର ଉଦ୍ଯାପିତ ହୋଇଯାଇଛି । ଫାଇନାଲ ଖେଳ ସିଙ୍ଗାଟିମାଲ ଓ ରୁଗୁଡିପାଲି ଦଳ ମଧ୍ୟରେ ହୋଇଥିଲା । ସିଙ୍ଗାଟିମାଲ ପ୍ରଥମେ ବ୍ରାଟିଂ କରି ୮ ଓଭରରେ ୮୯ ରନ୍ କରିଥିଲା । ଜବାବରେ ରୁଗୁଡିପାଲି ଦଳ ୮ ଓଭରରେ ୮୭ ରନ୍ ସଂଗ୍ରହ କରି ପରାଜିତ ହୋଇଥିଲା । ଫଳରେ ସିଙ୍ଗାଟିମାଲ ଚାମ୍ପିୟନ ହୋଇଥିଲା । ସନୋଜ ଦାସ, ପ୍ରତାପ ମାଝୀ, ଜିତେଶ ନାଏକ, ପ୍ରଶାନ୍ତ ରଣା, ଆଶିଷ ବାଗ୍ ଖେଳ ପରିଚାଳନା କରିଥିଲେ । ଜିତୁ ନାଏକ ସ୍କୋରର୍ ଥିଲେ । ଉଦ୍ଯାପନୀ ଉତ୍ସବରେ ସମାଜସେବୀ ସୁରେନ୍ଦ୍ର ଦାସ, ହେମନ୍ତ ମାଝୀ, ମହେନ୍ଦ୍ର ଦାସ, ଅର୍ଜୁନ ସାହୁ, ବିଜୟ କାଲସାଇ, ଜୟନ୍ତ ଭୋଇ ଅତିଥି ଭାବେ ଯୋଗ ଦେଇଥିଲେ ।
Prev Post