ରାଉରକେଲା, (ସସ୍ମିତା ପ୍ରଧାନ) : ସ୍ୱେଛାସେବୀ ଅନୁଷ୍ଠାନ ସାଇ ସରଗମ୍ ମ୍ୟୁଜିକାଲ ଆଣ୍ଡ ସୋସିଆଲ ଟ୍ରଷ୍ଟ ତରଫରୁ ସହରରେ ଥିବା ଲୁକ୍କାୟିତ ପ୍ରତିଭାକୁ ଲୋକଲୋଚନରେ ଆଣିବା ପାଇଁ ଆଜି ରାଉରକେଲା କ୍ଲବ ଠାରେ ଓଡ଼ିଶା ସରାଗ୍ କି ସିତାରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମ ଅବସରରେ କନିଷ୍ଠ ଓ ବରିଷ୍ଠ ବର୍ଗର ପିଲାମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା କରାଯାଇ ସେମାନଙ୍କୁ ପୁରସ୍କୃତ କରାଯାଇଥିଲା । ଅନୁଷ୍ଠାନର ମୁଖ୍ୟ ଝୁନୁ ନାୟକଙ୍କ ସଭାପତିତ୍ୱ ଶୁଭଶ୍ରୀ ଦାସ ଓ ଯଶୋବନ୍ତ ମହାନ୍ତିଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରଧ୍ୟାପିକା ଡ଼ଃ କଲ୍ୟାଣୀ ମିଶ୍ର, ସମ୍ମାନିତ ଅତିଥି ଭାବେ ପଦ୍ମିନୀ ପାଣିଗ୍ରାହୀ,ଏସ ଆଇ ଦୁର୍ଯ୍ୟେଧନ ପ୍ରଧାନ, ମୁକ୍ତିକାନ୍ତ ବେହେରା ପ୍ରମୁଖ ଯୋଗଦେଇଥିଲେ । ଅତିଥି ମାନେ ଅନୁଷ୍ଠାନର କାର୍ଯ୍ୟକ୍ରମକୁ ପ୍ରଶଂସା କରିବା ସହ ଏହା ଅନ୍ୟମାନଙ୍କ ପାଇଁ ପ୍ରେରଣା ହେବ ବୋଲି ମତ ରଖିଥିଲେ । ମୁଖ୍ୟଅତିଥି ମିଶ୍ର ତାଙ୍କ ବକ୍ତବ୍ୟରେ କହିଲେ ଯେ ସଂଗୀତକୁ ଆମେ ସାଧନା ବୋଲି କହିଥାଉ । ସରସ୍ଵତୀଙ୍କ କୃପା ରହିଲେ ସଂଗୀତ ହୃଦୟକୁ ଛୁଇଁଯାଏ । ସଂଗୀତ ଏକପ୍ରକାର ଯାଦୁ । ଏହି ଅବସରରେ କନିଷ୍ଠ ଓ ବରିଷ୍ଠ ବର୍ଗର ପ୍ରତିଯୋଗୀଙ୍କ ମଧ୍ୟରେ ସଂଗୀତ ପ୍ରତିଯୋଗୀତା କରାଯାଇଥିଲା । ଏଥିରେ ବିଚାରକ ଭାବେ ଭାସ୍କର ପୁହାଣ, ଅଜୟ ପାଣି ଓ ଆଶାଲତା ଷଡ଼ଙ୍ଗୀ ପ୍ରମୁଖ ଯୋଗଦେଇ ପ୍ରତିଯୋଗୀଙ୍କୁ ମୂଲ୍ୟାୟନ କରିଥିଲେ । ପ୍ରତିଯୋଗିତାରେ ଅଂଶଗ୍ରହଣ କରି କୃତିତ୍ୱ ହାସଲ କରିଥିବା କନିଷ୍ଠ ବର୍ଗର ପ୍ରଥମ ସ୍ଥାନ ପାଇଁ ୩ ହଜାର, ଦ୍ୱିୀତୀୟ ସ୍ଥାନ ପାଇଁ ୨ ହଜାର ଓ ତୃତୀୟ ସ୍ଥାନ ପାଇଁ ୧ ହଜାର ତଥା ବରିଷ୍ଠ ବର୍ଗର ପ୍ରଥମ ସ୍ଥାନ ପାଇଁ ୪ ହଜାର, ଦ୍ୱିତୀୟ ସ୍ଥାନ ପାଇଁ ୩ ହଜାର ଓ ତୃତୀୟ ସ୍ଥାନ ପାଇଁ ୨ହଜାର ଟଙ୍କା ପ୍ରୋତ୍ସାହନ ରାଶି ପ୍ରଦାନ କରାଯାଇଥିଲା । ଏହା ସହ ସମସ୍ତ ପ୍ରତିଯୋଗୀଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଆକର୍ଷଣ ଥିଲେ ଓଲିଉଡର ପ୍ରଛଦପଟ ଗାୟକ ତଥା ଭଏସ ଅଫ୍ ଓଡ଼ିଶା ବିଜେତା ପୂର୍ଣ୍ଣଚନ୍ଦ୍ର ପଣ୍ଡା । ଅନ୍ୟ ମାନଙ୍କ ମଧ୍ୟରେ ଉପସ୍ଥିତ ଥିବା ଅତିଥି ୱାଇ ହେମଲତା, ପ୍ରଦୀପ ପଟ୍ଟନାୟକ, ବିଜୟ ସୁନ୍ଦରାୟ, କାର୍ତ୍ତିକ ରାଉତ, ପ୍ରଜ୍ଞା ପରିମିତା ଦାଶଙ୍କ ସହ ବିଭିନ୍ନ ଅନୁଷ୍ଠାନର ସଭାପତିଙ୍କୁ ସମ୍ମାନିତ କରାଯାଇଥିଲା । ସେହିପରି ଉପସ୍ଥିତ ଥିବା ସାମ୍ବାଦିକ କୁଞ୍ଜବିହାରୀ ରାଉତ, ସୁଜ୍ଞାନୀ ରାୟ, ସସ୍ମିତା ପ୍ରଧାନ, ସଞ୍ଜୟ ସାହୁ, ଅନିଲ ବରୁଆ ପ୍ରମୁଖ ତଥା ନୃତ୍ୟ ପରିବେଷଣ କରିଥିବା ନୃତ୍ୟ ଶିଳ୍ପୀଙ୍କୁ ସମ୍ମାନିତ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ଅନୁଷ୍ଠାନର ସୈାମ୍ୟରଞ୍ଜନ ମହାରଣା, ପ୍ରାଞ୍ଜଳୀ ନାଗ, କାମିନୀ ମହନ୍ତି, ମୂରଲୀ ମୋହନ, ଗ୍ରେସି ଡେଭିଡ, ଲିଲିରାଣୀ ପଣ୍ଡା, ଲୀନା ବିଶ୍ୱାଳ, କଲ୍ୟାଣୀ ଦାସ, ଫିରୋଜ ଅହମ୍ମଦ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।