
ଚନ୍ଦାହାଣ୍ଡି : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ନୂତନ ପେନସନ୍ ଭୁକ୍ତ ଶିକ୍ଷକ ସଂଘର ସଭାପତି ବିଶ୍ୱରଞ୍ଜନ ପଣ୍ଡାଙ୍କ ପ୍ରତ୍ୟକ୍ଷ ତତ୍ୱଭଧାନରେ ଚନ୍ଦାହାଣ୍ଡି କଲ୍ୟାଣ ମଣ୍ଡପଠାରେ ଅବସର ଗ୍ରହଣ କରିଥିବା ସଂଘର ଶିକ୍ଷକ ଧନୁର୍ଦ୍ଦର ନାୟକଙ୍କ ବିଦାୟ କାଳୀନ ସମର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝି, ସାଂସଦଙ୍କ ଜିଲ୍ଲା ପ୍ରତିନିଧି ପ୍ରମୋଦ କୁମାର ପାଢୀ, ସମ୍ମାନୀତ ଅତିଥି ଚନ୍ଦାହାଣ୍ଡି ପ୍ରାଥମିକ ଶିକ୍ଷକ ସଂଘର ସଭାପତି ପଦୁଲୋଚନ ସାହୁ, ଏବିଇଓ ବିଜୟାନନ୍ଦ ସୋରି, ନୀଳକଣ୍ଠ ଦାଶ, ଜିଲ୍ଲା ଏନ୍ପିଏସ୍ର ଉପସଭାପତି ତ୍ରିପତି ଦଳେଇ ପ୍ରମୁଖ ମଂଚାସୀନ ରହିଥିଲେ । ମୁଖ୍ୟଅତିଥି ବିଧାୟକ ପ୍ରକାଶ ଚନ୍ଦ୍ର ମାଝି ପ୍ରଦୀପ ପ୍ରଜ୍ଜ୍ୱଳନ କରିବା ସହ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ଏହାପରେ ଏନ୍ପିଏସ୍ର ସଭାପତି ବିଶ୍ୱରଞ୍ଜନ ପଣ୍ଡାଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ଏନ୍ପିଏସ୍ ଶିକ୍ଷକ ମାନଙ୍କ ବିଭିନ୍ନ ସମସ୍ୟା ଉପରେ ଆଲୋକପାତ କରିଥିଲେ । ଅବସରରେ ନୂତନ ଭାବରେ ସଂଘରେ ଯୋଗଦାନ ଦେଇଥିବା ସଦସ୍ୟ ମାନଙ୍କୁ ସ୍ୱାଗତ କରାଯାଇଥିଲା । ସଂଘର ସଂପାଦକ ଏମ୍ ବିଘ୍ନେଶ୍ୱର ଆଚାରୀ ମଂଚ ପରିଚାଳନା କରିଥିବା ବେଳେ ଶିକ୍ଷକ ରାଜେଶ ଦଣ୍ଡସେନା ଏବଂ ଶିକ୍ଷୟତ୍ରୀ ସୁଷମା ଦାଶ ଅତିଥି ପରିଚୟ ପ୍ରଦାନ କରିଥିବା ବେଳେ ଶିକ୍ଷକ ସୋଭାସିଂ ପୋଡ, ଲକ୍ଷ୍ମଣ ବାଘ ସୌରିରଞ୍ଜନ ସାହୁ, କୁମୁଦ କୁମାର ବାଗ ଘାସିରାମ ଗୌଡ ଟିକଚନ ବାଘ ପ୍ରମୁଖ ଉପସ୍ଥିତ ରହି ସହେଯାଗ କରିଥିଲେ ।