ନୀଳଗିରି : ବାଲେଶ୍ଵର ଜିଲ୍ଲା ସେରଗଡ଼ ଉଦଳା ରାଜ୍ୟପଥ ଗୋହିରା ନିକଟ କମଳାନଦୀ ପୋଲ ତଳକୁ ବାଇକ ଖସି ଦୁଇ ଯୁବକ ଗୁରୁତର ହୋଇଥିବା ଖବର ମିଳିଛି । ଯୁବକମାନେ ବାଲେଶ୍ଵର ସାରଗାଁ ଅଞ୍ଚଳର ବୋଲି ଜଣାପଡିଛି । ସୂଚନା ଅନୁସାରେ କପ୍ତିପଦା ଆଡୁ ଦୁଇ ଜଣ ଯୁବକ ନୀଳଗିରି ଆଡକୁ ଦୃତ ଗତିରେ ଆସୁଥିଲେ । ଗୋହିରା ନିକଟ କମଳା ନଦୀ ପୋଲ ଉପରେ ଭାରସାମ୍ୟ ହରାଇ ବାଇକରେ ତଳକୁ ଖସି ପଡ଼ିଥିଲେ । ବାଇକଟି ଭାଙ୍ଗି ଚୁରମାର ହୋଇଥିବା ବେଳେ ଦୁଇ ଯୁବକଙ୍କୁ ଗୁରୁତର ହୋଇଥିଲେ । ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।