ସାଲେଭଟା, (କେପିଏନ୍ଏସ୍) : ସରକାର ମହିଳାମାନଙ୍କୁ ସଶକ୍ତିକରଣ ନାଁରେ ଅନେକ ଯୋଜନା ପ୍ରଣୟନ କରୁଛନ୍ତି । କିନ୍ତୁ ବିଭାଗୀୟ ଅଧିକାରୀଙ୍କ ବୈମାତୃକ ମନୋଭାବ ଯୋଗୁଁ କେତେକ କ୍ଷେତ୍ରରେ ସରକାରଙ୍କ ଯୋଜନା ଯୋଜନାରେ ହିଁ ସୀମିତ ରହୁଥିବା ଦେଖିବାକୁ ମିଳିଛି । ସୂଚନା ଅନୁସାରେ, ସୁବର୍ଣ୍ଣପୁର ଜିଲ୍ଲା ସଦର ବ୍ଲକ ଲଛିପୁର ଥାନା ଅନ୍ତର୍ଗତ ଛୋକରମାଲ ପଞ୍ଚାୟତ ନିକଟ ବସଲାଟ ଗାଁରେ ରବିବାର ୧୧ଟି ମିଶନ ଶକ୍ତିର ମହିଳାମାନେ ମିଶି ମଦ ବିରୋଧି ଆନ୍ଦୋଳନ ପାଇଁ ଲଛିପୁର ଥାନା ଘେରାଉ କରିଥିବା ଜଣାପଡିଛି । ମହିଳାମାନଙ୍କ କହିବାନୁଯାୟୀ, ସ୍ଥାନୀୟ ପୁଲିସ ଓ ଅବକାରୀ ବିଭାଗର ମଧୁଚନ୍ଦ୍ରିକାରେ ଖୁଲମଖୁଲା ଭାବେ ଉକ୍ତ ଅଞ୍ଚଳରେ ମଦ ବିକ୍ରି ହେଉଥିବା ଅଭିଯୋଗ ହୋଇଛି । ଲଛିପୁରଠାରେ ଥିବା ମଦଭାଟିରୁ ଉକ୍ତ ଗ୍ରାମର କିଛି କୁଚିଆ ମଦ ବେପାରୀ ମଦ ଆଣି ଏହି ଗ୍ରାମରେ ବିକ୍ରି କରୁଥିବା ଅନେକ ଥର ଗ୍ରାମବାସୀ ଅଭିଯୋଗ କରିଛନ୍ତି ।