centurian jitm

ମର୍ମନ୍ତୁଦ ଦୁର୍ଘଟଣା : ୧ ମୃତ, ୧ ଆହତ

କରଞ୍ଜିଆ : ମୟୁରଭଞ୍ଜ ଜିଲ୍ଲା ଯଶିପୁର ଅଞ୍ଚଳରେ ସଡକ ଦୁର୍ଘଟଣା ଘଟି ଯଶିପୁର ଥାନା ନିୟୁନ୍ତି ପଞ୍ଚାୟତ ନିୟୁନ୍ତି ଗାଁର କରୁଣାକର ନାୟକ (୫୫ ବର୍ଷ)ଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ପତ୍ନୀ ସୁମିତ୍ରା ନାୟକ ଆହତ ହୋଇଥିବା ଜଣାପଡିଛି । ଆହତଙ୍କୁ କରଞ୍ଜିଆ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ସୂଚନାନୁଯାୟୀ, ଉଭୟ ସ୍ୱାମୀ ସ୍ତ୍ରୀ ନିଜର ଟିଭିଏସ୍‌ ହେଭିଡ୍ୟୁଟି ମଟରସାଇକେଲ ଯୋଗେ ଗତକାଲି ରାମତୀର୍ଥ ମକର ମେଳାକୁ ବାଦାମ ବିକ୍ରି କରିବା ପାଇଁ ଆସିଥିଲେ । ବିକ୍ରି ବଟା ସାରି ନିଜ ଘରକୁ ଫେରୁଥିବା ବେଳେ ନିମସାହି ଛକ ନିକଟରେ ଅପର ଦିଗରୁ ଏକ ସ୍କୁଟି ଆସି ତାଙ୍କୁ ଧକ୍କା ଦେଇଥିଲା । ସ୍କୁଟି ଧକ୍କାରେ ଉଭୟ ଛିଟିକି ପଡ଼ିଥିଲେ । ଘଟଣାଟି ଅପରାହ୍ନ ପ୍ରାୟ ସାଢେ଼ ଚାରିଟା ସମୟରେ ହୋଇଥିବା ତାଙ୍କ ପରିବାର ଲୋକେ କହିଛନ୍ତି । ସ୍ଥାନୀୟ ଲୋକମାନେ ଉଭୟଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ପ୍ରଥମେ ଯଶିପୁର ଗୋଷ୍ଠୀ ଚିକିତ୍ସାଳୟକୁ ପଠାଇଥିଲେ । ସେମାନଙ୍କର ଅବସ୍ଥା ଗୁରୁତର ଥିବାରୁ ଉଭୟଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟକୁ ଚିକିତ୍ସା ପାଇଁ ପଠାଇଥିଲେ । ଚିକିତ୍ସିତ ଅବସ୍ଥାରେ କରୁଣାକରଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ସ୍ତ୍ରୀ ସୁମିତ୍ରା ବର୍ତ୍ତମାନ ଏଠାରେ ଚିକିତ୍ସିତ ହେଉଛନ୍ତି । ଏବିଷୟରେ ଯଶିପୁର ଥାନାରେ ଏକ ଦୁର୍ଘଟଣା ଜନିତ କେସ୍‌ ନମ୍ବର ୧୭/୨୩ ରୁଜ୍ଜୁ କରାଯାଇ ଅଧିକ ତଦନ୍ତ ଜାରି ରହିଛି ବୋଲି ଯଶିପୁର ଥାନା ଅଧିକାରୀ ସୂଚନା ଦେଇଛନ୍ତି ।

Leave A Reply

Your email address will not be published.