ଗ୍ଲୋବାଲ ୱାର୍ମିଙ୍ଗର ପ୍ରଭାବ : ୨୦୨୦ ୟୁରୋପ ପାଇଁ ସବୁଠାରୁ ଗରମ ବର୍ଷ, ୨୦୨୧ରେ ବି ତ୍ରାହି ମିଳିବ ନାହିଁ
ବର୍ଲିନ୍ : ଗ୍ଲୋବାଲ ୱାର୍ମିଙ୍ଗର ପ୍ରଭାବ କେବଳ ଭାରତ ଏବଂ ଚାଇନାରେ ନୁହେଁ, ସମଗ୍ର ବିଶ୍ୱରେ ଦେଖାଯିବା ଆରମ୍ଭ ହୋଇଛି । ୟୁରୋପୀୟ ୟୁନିଅନର ଜଳବାୟୁ ମନିଟରିଂ ସେବା ଦ୍ଦ୍ୱାରା ଶୁକ୍ରବାର ଦିନ ପ୍ରକାଶିତ ତଥ୍ୟ ଅନୁଯାୟୀ, ୨୭ଟି ଦେଶ ସଂପୃକ୍କ୍ତଏକ ସଂଗଠନ ପାଇଁ ୨୦୨୦ ସବୁଠାରୁ ଉତ୍ତପ୍ତ ବର୍ଷ ଥିଲା । ତଥ୍ୟ କହିଛି ଯେ, ଜଳବାୟୁ ସମ୍ବନ୍ଧୀୟ ରେକର୍ଡ ରଖିବା ଆରମ୍ଭରୁ ୟୁରୋପୀୟ ୟୁନିଅନ୍ ପାଇଁ ଗତ ବର୍ଷ ସବୁଠାରୁ ଉଷ୍ମ ବର୍ଷ ଥିଲା ।
ୟୁରୋପୀୟ ୟୁନିଅନର ‘କୋପର୍ନିକସ୍ ଜଳବାୟୁ ପରିବର୍ତ୍ତନ ସେବା’ କହିଛି ଯେ ୟୁରୋପରେ ଗତ ବର୍ଷର ତାପମାତ୍ରା ୨୦୧୯ର ରେକର୍ଡ ଭାଙ୍ଗି ୦.୪ ଡିଗ୍ରୀ ସେଲସିୟସ ବୃଦ୍ଧି ପାଇଛି । ଦୁନିଆରେ ତାପମାତ୍ରା ବୃଦ୍ଧି ହେତୁ ସବୁଜ ଘର ଗ୍ୟାସର ନିର୍ଗମନ ବୃଦ୍ଧି ଯୋଗୁଁ ଏହାର ମୁଖ୍ୟ ହେଉଛି କାର୍ବନ ଡାଇଅକ୍ସାଇଡ୍ । ତଥ୍ୟ ଅନୁଯାୟୀ ୨୦୨୦ ପୂର୍ବର ଶିଳ୍ପ ଅବଧି ୧୮୫୦-୧୯୦୦ର ତାପମାତ୍ରା ଅପେକ୍ଷା ୧.୨୫ ସେଣ୍ଟିଗ୍ରେଡ୍ ଗରମ ଥିଲା ।
ବାସ୍ତବରେ ବିଶ୍ୱ ପରିବେଶର ପରିବର୍ତ୍ତନ ସହିତ ଏହା ଅନୁମାନ କରାଯାଇପାରେ ଯେ, ୨୦୨୧ରେ ସବୁକିଛି ସ୍ୱାଭାବିକ ହେବ ନାହିଁ । ଯେଉଁଭଳି ଭାବରେ ଜଳବାୟୁ ପରିବର୍ତ୍ତନ ଏବଂ ଗ୍ଲେସିୟର ତରଳିବା ଜାରି ରହିଛି, ଲାଗୁଛି ୨୦୨୧କୁ ଗରମ ବର୍ଷ ତାଲିକାରେ ମଧ୍ୟ ଅନ୍ତର୍ଭୁକ୍ତ କରାଯାଇପାରେ । ୟୁରୋପରେ ମଧ୍ୟ ବର୍ଷକୁ ବର୍ଷ ଉତ୍ତାପ ବୃଦ୍ଧି ପାଉଛି ।
୧୯୦୧ ମସିହାରୁ ଭାରତରେ ୨୦୨୦ ଅଷ୍ଟମ ଗରମ ବର୍ଷ ଥିଲା । ଭାରତ ପାଣିପାଗ ବିଭାଗ କହିଛି ଯେ, ୨୦୧୬ ପୂର୍ବରୁ ଭାରତରେ ରେକର୍ଡ ହୋଇଥିବା ସବୁଠାରୁ ଉତ୍ତପ୍ତ ବର୍ଷ ୨୦୨୦ ଅଟେ । ବର୍ତ୍ତମାନ ପ୍ରଶ୍ନ ଉଠିଛି କି, ନୂଆ ବର୍ଷ ୨୦୨୧ ବର୍ଷ ସମାନ ପ୍ରକାରର ପାଣିପାଗ ଦେଖାଇବ ନା ପରିସ୍ଥିତି କିଛି ଅସାଧାରଣ ଆଡକୁ ଯିବ ? ୨୦୨୦ ମସିହାରେ ଭାରତର ଜଳବାୟୁ ବିବୃତ୍ତିରେ ପାଣିପାଗ ବିଭାଗ କହିଛି ଯେ, ଦେଶରେ ହାରାହାରି ବାର୍ଷିକ ତାପମାତ୍ରା ସ୍ୱାଭାବିକଠାରୁ ୦.୨୯ ଡିଗ୍ରୀ ସେଲସିୟସ ଅଧିକ ଥିଲା । ଏହି ସଂଖ୍ୟା ୧୯୮୧–୨୦୧୦ ତଥ୍ୟ ଉପରେ ଆଧାରିତ ।