ପୁରୀ, (ଦିଲ୍ଲୀପ କୁମାର ଧାଉଡ଼ିଆ) : ପୁରୀ ଜିଲ୍ଲା ଗୋପ ବ୍ଲକ ବଡତାର ପଞ୍ଚାୟତର ଗଡ଼ରୁପାସ ଗ୍ରାମରେ ନିର୍ବାଚନକୁ ନେଇ ହିଂସାକାଣ୍ଡ ଘଟିଥିବା ଜଣାପଡିଛି । ହିଂସାକାଣ୍ଡରେ ୩ ଜଣ ଗୁରୁତର ହୋଇ ଭୁବନେଶ୍ଵର ଡ଼ାକ୍ତରଖାନାକୁ ସ୍ଥାନାନ୍ତର ହୋଇଥିବା ଜଣାପଡିଛି । ଉକ୍ତ ଗ୍ରାମର ସୁରେଶ ସେଠୀ ଓ ଉମେଶ ସେଠୀଙ୍କୁ ସେହି ଗ୍ରାମର କିଛି ଯୁବକ ଘରୁ ଡାକି ଖଣ୍ଡାରେ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି । ଗ୍ରାମବାସୀମାନେ ଉଭୟ ପକ୍ଷରୁ ତିନି ଜଣଙ୍କୁ ରକ୍ତାକ୍ତ ଅବସ୍ଥାରେ ପ୍ରଥମେ ଗୋପ ମେଡିକାଲରେ ଭର୍ତ୍ତି କରିଥିଲେ । ପରେ ଅବସ୍ଥା ଗୁରୁତର ହେବାରୁ ତିନି ଜଣକୁ ଭୁବେନେଶ୍ୱର ସ୍ଥାନାନ୍ତରିତ କରାଯାଇଥିବା ଜଣାପଡିଛି । ଘଟଣାକୁ ନେଇ ଗ୍ରାମରେ ଉତ୍ତେଜନା ଦେଖାଯାଇଥିବା ବେଳେ ଘଟଣାସ୍ଥଳରେ ଗୋପ ପୋଲିସ ପହଁଚିଥିବା ଜଣାପଡିଛି ।